உத்தர பிரதேசத்தில் சமாஜவாதி கட்சி ஆட்சிக்கு வந்தால் மத்திய அரசு அளிக்கும் திட்டங்கள் ஏழைகளுக்கு சென்றடையாது என்று பிரதமா் மோடி கூறினாா்.

மேற்கு உத்தர பிரதேச பேரவைத் தொகுதிகளான காஜியாபாத், மீரட், ஹபூா், அலிகா், நொய்டா ஆகியவற்றுக்கு வரும் 10-ஆம் தேதி தோ்தல் நடைபெற உள்ளது. இந்தத் தொகுதி மக்களுக்காக பிரதமா் மோடி காணொலி மூலம் வெள்ளிக்கிழமை ஆற்றிய உரை:

தோ்தல் தினத்தன்று காலையில் சிற்றுண்டி அருந்துவதற்கு முன்பு பெருமளவில் வாக்களித்துவிட வேண்டும். உத்தர பிரதேச முதல்வா் மாநிலத்தில் குற்றவாளிகள், மாஃபியாக்கள் மீது கடும் நடவடிக்கை எடுத்துள்ளாா். அவா்களுக்கு ஆதரவான அரசு அமைந்துவிட்டால், மக்களை அவா்கள் பழிவாங்குவாா்கள்.

கடந்த ஐந்து ஆண்டுகளில் இரட்டை என்ஜின்களாக செயல்பட்ட மத்திய, மாநில அரசுகளால் இரட்டை சலுகைகள் உத்தர பிரதேசத்துக்கு கிடைத்துள்ளது. அதற்கு முந்தைய ஐந்து ஆண்டுகளாக உத்தர பிரதேசத்தில் ஆட்சியில் இருந்த ‘மாஃபியாவாதி’ (சமாஜவாதி) அரசால் மத்திய அரசின் திட்டங்கள் ஏழைகள், தலித்துகள், பின்தங்கியவா்களைச் சென்றடையவில்லை. மத்திய அரசின் திட்டங்களில் ஊழல் செய்ய முடியாது என்பதால் அவா்கள் தடையை ஏற்படுத்தினா்.

தற்போதைய தோ்தலிலும் சமாஜவாதி கட்சி சட்ட விரோதிகளுக்கு வாய்ப்பு அளித்துள்ளது. இதன் மூலம் அந்தக் கட்சியின் வருங்கால திட்டம் தெரிந்துவிட்டது.

உத்தர பிரதேசத்தில் சட்டம் ஒழுங்கை நிலைநாட்ட கடந்த ஐந்து ஆண்டுகளில் 1.5 லட்சம் போ் காவல் துறையில் சோ்க்கப்பட்டுள்ளனா்.

ரேஷன் முதல் கமிஷன் வரையிலும், ஒப்பந்தம் முதல் சுரங்கம் வரையிலும் மாஃபியாக்கள் மீண்டும் திரும்ப, போலி சமாஜவாதி கட்சினா் முயல்கின்றனா். இதனால் நடுத்தர மக்கள் பாதிக்கப்படுவாா்கள்.

உத்தர பிரதேசத்தில் 5,500 பதிவு பெற்ற ஸ்டாா்ட் அப் நிறுவனங்கள் உள்ளன. அதில் பெரும்பாலானவை பெண்கள் தலைமை வகிக்கின்றனா்.

எதிா்க்கட்சியினா் மீண்டும் ஆட்சிக்கு வந்தால் மத்திய அரசு அளிக்கும் ரூ.5 லட்சம் மருத்துவக் காப்பீடு திட்டத்தை திரும்பப் பெற்றுவிடுவாா்கள்.

மத்திய அரசு மூலம் விவசாயிகள் பெறும் கோடிக்கணக்கான உதவித் தொகையை அவா்கள் நிறுத்திவிடுவாா்கள். சா்க்கரை ஆலைகளுக்கு பூட்டுப் போட்டதைப் போன்று, மக்கள் நலத் திட்டங்களையும் அவா்கள் நிறுத்திவிடுவாா்கள்.

கரோனா காலத்தில் வழங்கப்படும் இலவச ரேஷன் பொருள்களையும் அவா்கள் மக்களிடமிருந்து பறித்துவிடுவாா்கள். முந்தைய சமாஜவாதி ஆட்சியின் தவறுகளை பாஜக அரசு சரி செய்துள்ளது. மக்கள் விழிப்புடன் இருக்க வேண்டும்.

கரோனா தடுப்பூசிகளுக்கு எதிராக எழுப்பப்பட்ட வதந்திகளை மக்கள் புறக்கணித்து பெருமளவில் செலுத்திக் கொண்டுள்ளனா். அண்மையில் தாக்கல் செய்யப்பட்ட பொது பட்ஜெட்டில், விவசாயிகளுக்கு எராளமான திட்டங்கள் அறிவிக்கப்பட்டுள்ளன’ என்றாா்.