உத்தர பிரதேசத்தில் இரண்டாம் கட்ட தேர்தலில் ஒரு மணி நிலவரப்படி 39.07% வாக்குகள் பதிவாகியுள்ளன. 

403 பேரவைத் தொகுதிகளைக் கொண்ட உத்தர பிரதேசத்தில் சட்டப்பேரவைத் தோ்தல், பிப்.10-ஆம் தேதி தொடங்கி மாா்ச் 7-ஆம் தேதி வரை 7 கட்டங்களாக நடைபெறுகிறது. முதல் கட்டமாக, 11 மாவட்டங்களுக்கு உள்பட்ட 58 தொகுதிகளில் கடந்த 10-ஆம் தேதி வாக்குப்பதிவு நடைபெற்றது. 

இரண்டாம் கட்டமாக 55 தொகுதிகளுக்கு வாக்குப்பதிவு இன்று காலை தொடங்கி விறுவிறுப்பாக நடைபெற்து வருகிறது. மக்கள் ஆர்வமுடன் வாக்களித்து வருகின்றனர். இந்த நிலையில் இரண்டாம் கட்ட தேர்தலில் பிற்பகல் ஒரு மணி நிலவரப்படி 39.07% வாக்குகள் பதிவாகியுள்ளன. 

இதையும் படிக்க- வாட்ஸ்-ஆப்பில் விரைவில் வருகிறது 'கவர் போட்டோ' வசதி

இரண்டாம் கட்ட தோ்தல் நடைபெறவுள்ள 55 தொகுதிகளில் கடந்த 2017-இல் நடைபெற்ற சட்டப்பேரவைத் தோ்தலில், பாஜக 38 தொகுதிகளில் வெற்றி பெற்றது. சமாஜவாதி கட்சி 15 தொகுதிகளிலும் காங்கிரஸ் 2 தொகுதிகளிலும் வெற்றி பெற்றது குறிப்பிடத்தக்கது.