உக்ரைனில் சிக்கியுள்ள இந்தியர்களை மீட்க ருமேனியா தலைநகர் புகாரெஸ்டுக்கு ஏர் இந்தியா விமானம் ஒன்று அதிகாலை 3.40 மணிக்குப் புறப்பட்டது.

இதுபற்றிய அரசு மூத்த அலுவலர்கள் கூறியதாவது:

"மும்பை விமான நிலையத்திலிருந்து காலை 3.40 மணியளவில் விமானம் புறப்பட்டது. இந்திய நேரப்படி புகாரெஸ்ட் விமான நிலையத்துக்கு காலை 10 மணியளவில் விமானம் சென்றடையும்.

இதையும் படிக்க | 'முன்னறிவிப்பின்றி எல்லைப் பகுதிக்குச் செல்ல வேண்டாம்' - உக்ரைன் இந்தியத் தூதரகம் அறிவுறுத்தல்

சாலை மார்க்கமாக உக்ரைன்-ருமேனியா எல்லை வந்தடைந்த இந்தியர்கள் இந்திய அரசு அதிகாரிகள் மூலம் புகாரெஸ்ட் அழைத்துச் செல்லப்படவுள்ளனர். அங்கிருந்து ஏர் இந்தியா விமானம் மூலம் அவர் இந்தியாவுக்கு வரவுள்ளனர்."

இதுதவிர மேலும் சில ஏர் இந்தியா விமானங்கள் ருமேனியா, ஹங்கேரிக்கு இயக்கப்படவுள்ளன.

முன்னதாக, புகாரெஸ்டுக்கு 2 விமானங்கள் வெள்ளிக்கிழமை இரவு இயக்கப்படும் என்று ஏர் இந்தியா அறிவித்திருந்தது. ஆனால், அவை திட்டமிட்டபடி புறப்படவில்லை என்பது குறிப்பிடத்தக்கது.