பாடகி லதா மங்கேஷ்கரின் உடல்நிலையில் சிறிது முன்னேற்றம் ஏற்பட்டுள்ளதாக அவருக்கு சிகிச்சை அளித்து வரும் மருத்துவர் தெரிவித்துள்ளார்.

பாடகி லதா மங்கேஷ்கருக்கு கரோனா தொற்று உறுதியானதைத் தொடா்ந்து கடந்த வாரம் தெற்கு மும்பையில் உள்ள தனியாா் மருத்துவமனையின் தீவிர சிகிச்சைப் பிரிவில் அனுமதிக்கப்பட்டாா். அவருக்கு லேசான அறிகுறிகள்தான் காணப்படுகின்றன. 

இருப்பினும் அவருடைய வயதைக் கருத்தில் கொண்டு, அவரை தீவிர சிகிச்சைப் பிரிவில் அனுமதித்து தொடா்ந்து கண்காணிக்க வேண்டும் என்று மருத்துவா்கள் அறிவுறுத்தினா். அதன்படி அவா் தொடா்ந்து ஒரு வாரத்துக்கு மேல் தீவிர சிகிச்சைப் பிரிவில் உள்ளாா்.

இந்நிலையில் லதா மங்கேஷ்கரின் உடல்நிலையில் சிறிது முன்னேற்றம் ஏற்பட்டுள்ளதாக அவருக்கு சிகிச்சை அளித்து வரும் மருத்துவர் பிரதித் சம்தானி தெரிவித்துள்ளார். இதுகுறித்து அவர் மேலும் கூறுகையில், பாடகி லதா மங்கேஷ்கர் இன்னும் தீவிர சிகிச்சைப் பிரிவில் இருக்கிறார்.  

ஆனால் அவரது உடல்நிலையில் சிறிது முன்னேற்றம் இன்று ஏற்பட்டுள்ளது. மருத்துவர்களின் தீவிர கண்காணிப்பில் அவர் இருக்கிறார்". இவ்வாறு அவர் தெரிவித்தார்.