உத்தரகண்ட் சட்டப்பேரவைத் தேர்தலுக்கான 11 பேர் அடங்கிய இரண்டாம் கட்ட வேட்பாளர்கள் பட்டியலை காங்கிரஸ் வெளியிட்டுள்ளது.

உத்தரகண்ட் சட்டப்பேரவைக்கு ஒரே கட்டமாக பிப்ரவரி 14-ம் தேதி தேர்தல் நடைபெறுகிறது. மார்ச் 10-ம் தேதி முடிவுகள் வெளியாகின்றன.

மொத்தமுள்ள 70 தொகுதிகளில் 53 தொகுதிகளுக்கான வேட்பாளர்கள் பட்டியலை காங்கிரஸ் கடந்த சனிக்கிழமை வெளியிட்டது.

இதையும் படிக்க |  வேட்பாளர்கள் இறுதி: பாஜக தேர்தல் கமிட்டி நாளை கூடுகிறது

இந்த நிலையில் தற்போது இரண்டாவது கட்டமாக 11 வேட்பாளர்கள் அடங்கிய பட்டியலை காங்கிரஸ் வெளியிட்டுள்ளது.

முன்னாள் முதல்வர் ஹரீஷ் ராவத் ராம்நகர் தொகுதியில் போட்டியிடுகிறார். ஹரீஷ் ராவத் மருமகள் அனுக்ரிதி குசைன் ராவத் லேன்ஸ்டௌன் தொகுதியில் போட்டியிடுகிறார்.

இதன்மூலம், காங்கிரஸ் இதுவரை 64 வேட்பாளர்களை அறிவித்துள்ளது. இன்னும் 6 தொகுதிகளுக்கு வேட்பாளர்களை அறிவிக்கவுள்ளது.

ஹரக் சிங் ராவத் குறித்து கட்சி இதுவரை எந்த முடிவும் எடுக்கவில்லை என்பது குறிப்பிடத்தக்கது.