உத்தரகண்ட் சட்டப்பேரவைத் தோ்தலையொட்டி 9 தொகுதிகளுக்கு வேட்பாளா்களை பாஜக அறிவித்துள்ளது.

உத்தரகண்ட் மாநில சட்டப்பேரவைத் தோ்தல் பிப். 14-ஆம் தேதி நடைபெறவுள்ளது. மொத்தம் உள்ள 70 தொகுதிகளில் 59 தொகுதிகளுக்கான வேட்பாளா்களை பாஜக அறிவித்திருந்த நிலையில் புதன்கிழமை மேலும் 9 தொகுதிகளுக்கான வேட்பாளர்கள் பட்டியலை பாஜக அறிவித்தது.

இதையும் படிக்க | தனுஷின் ‘மாறன்’ விடியோ பாடல் வெளியீடு

கடந்த முறை வேட்பாளர்கள் பட்டியலில் இடம்பெறாத முன்னாள் முதல்வா் பி.சி.கந்தூரியின் மகள் ரிது கந்தூரி பூஷணுக்கு கோட்வார் தொகுதியில் போட்டியிடுவார் என அறிவிக்கப்பட்டுள்ளது.

ஏற்கெனவே அறிவிக்கப்பட்ட பட்டியலில் முதல்வா் புஷ்கா் சிங் தாமி கடந்த முறை வெற்றி பெற்ற காட்டிமா தொகுதியிலும், மாநில பாஜக தலைவா் மதன் கெளசிக் ஹரித்வாா் தொகுதியிலும் போட்டியிடுவதாக குறிப்பிடப்பட்டிருந்தது.

பாஜகவில் பெரும்பாலான அமைச்சா்கள், எம்எல்ஏக்களுக்கு கடந்த முறை அவா்கள் வென்ற தொகுதிகளிலேயே போட்டியிட வாய்ப்பளிக்கப்பட்டுள்ளது.