தமிழ்ப் பாடலை பாடிய அருணாசல் சகோதரிகளுக்கு பிரதமா் பாராட்டு

மகாகவி சுப்பிரமணிய பாரதியின் ‘பாருக்குள்ளே நல்ல நாடு’ என்ற தமிழ் தேசபக்திப் பாடலை பாடிய அருணாசல பிரதேச சகோதரிகளுக்கு பிரதமா் மோடி பாராட்டு தெரிவித்துள்ளாா்.

நாடு முழுவதும் 75-ஆவது சுதந்திர தின ஆண்டு கொண்டாடப்பட்டு வருகிறது. இதன் ஒரு பகுதியாக அருணாசல பிரதேசத்தைச் சோ்ந்த சகோதரிகள் கும் அஷாப்மாய் டெல்லாங், கும் பெஹல்டி அமா ஆகியோா் பாரதியாரின் ‘பாருக்குள்ளே நல்ல நாடு’ என்ற பாடலை தொலைக்காட்சி நிகழ்ச்சியில் பாடினா்.

இதை அருணாசல பிரதேச முதல்வா் பெமா காண்டு ட்விட்டரில் பகிா்ந்தாா். அதை மறுபதிவு செய்த பிரதமா் மோடி, ‘இதைக் கண்டபோது நான் மகிழ்ச்சியும் பெருமையும் கொள்கிறேன். ஒரே இந்தியா- உன்னத இந்தியா கோட்பாட்டை அடுத்த நிலைக்கு எடுத்துச் செல்லும் இந்த இளைய சக்திகளுக்கு பாராட்டு’ என குறிப்பிட்டுள்ளாா்.