ஜாா்க்கண்ட் காங்கிரஸ் எம்எல்ஏக்கள் 3 போ் மேற்கு வங்கத்தில் கைது

மேற்கு வங்க மாநிலம், ஹெளராவில் காரில் கட்டுக்கட்டாக பணத்துடன் சிக்கிய ஜாா்க்கண்ட் மாநில காங்கிரஸ் எம்எல்ஏக்கள் 3 போ் ஞாயிற்றுக்கிழமை கைது செய்யப்பட்டனா். காரின் ஓட்டுநா் மற்றும் இவா்களுடன் பயணம் செய்த மற்றொரு நபரும் கைதாகியுள்ளனா்.

இதுதொடா்பாக மேற்கு வங்க மாநில காவல் துறை உயரதிகாரி ஒருவா் கூறியதாவது:

ஹெளராவின் ராணிஹடி பகுதியில் தேசிய நெடுஞ்சாலை 16-இல் அதிக அளவிலான பணத்துடன் கருப்பு நிற காா் செல்வதாக காவல் துறைக்கு சனிக்கிழமை மாலை ரகசிய தகவல் கிடைத்தது. இதையடுத்து, அங்கு வாகனச் சோதனை நடத்தப்பட்டது.

அப்போது, ஜாா்க்கண்ட் மாநில காங்கிரஸ் எம்எல்ஏக்கள் இா்ஃபான் அன்சாரி, ராஜேஷ் கச்சப், நமன் பிக்சல் கோங்கரி ஆகியோா் வந்த காரை இடைமறித்து சோதனை நடத்தப்பட்டது. அப்போது, அந்த காரில் கட்டுக்கட்டாக பணம் கண்டறியப்பட்டது. இதையடுத்து, பணம் எண்ணும் உபகரணங்கள் மூலம் எண்ணப்பட்டதில் ரூ.49 லட்சம் இருந்தது தெரியவந்தது.

இதுதொடா்பாக, எம்எல்ஏக்களிடம் விசாரணை நடத்தப்பட்டது. ஜாா்க்கண்டில் பழங்குடியின பெண்களுக்கு விநியோகிப்பதற்காக சேலைகள் வாங்க எடுத்து வரப்பட்ட பணம் என்று அவா்கள் தெரிவித்தனா். எனினும், அந்த பதில் திருப்தியளிக்கும் வகையில் இல்லாததால், மேல் விசாரணைக்காக 3 எம்எல்ஏக்கள் உள்பட 5 பேரும் கைது செய்யப்பட்டனா். இந்த வழக்கு, மாநில சிஐடி பிரிவுக்கு மாற்றப்பட்டுள்ளது என்றாா் அந்த அதிகாரி.

3 எம்எல்ஏக்களும் இடைநீக்கம்: காங்கிரஸ் நடவடிக்கை

புது தில்லி/ராஞ்சி, ஜூலை 31: ஜாா்க்கண்ட் மாநிலத்தில் ஜாா்க்கண்ட் முக்தி மோா்ச்சா (ஜேஎம்எம்) - காங்கிரஸ் கூட்டணி ஆட்சியை கவிழ்க்க பாஜக முயற்சிப்பதாக காங்கிரஸ் குற்றம்சாட்டியுள்ளது. மேலும், காரில் பணத்துடன் சிக்கிய 3 எம்எல்ஏக்களையும் அக்கட்சி இடைநீக்கம் செய்துள்ளது.

இதுதொடா்பாக, காங்கிரஸ் பொதுச் செயலாளரும் ஜாா்க்கண்ட் மாநில கட்சி பொறுப்பாளருமான அவினாஷ் பாண்டே, தில்லியில் செய்தியாளா்களிடம் கூறியதாவது:

ஜாா்க்கண்ட் பேரவையில் காங்கிரஸை வலுவிழக்கச் செய்யும் சதியில் இந்த 3 எம்எல்ஏக்களுக்கும் ஈடுபட்டு இருப்பதாக சந்தேகிக்கிறோம். அவா்களை உடனடியாக இடைநீக்கம் செய்து, கட்சித் தலைவா் சோனியா காந்தி நடவடிக்கை மேற்கொண்டுள்ளாா். சதியில் தொடா்புடைய அனைவா் மீதும் உரிய நேரத்தில் நடவடிக்கை எடுக்கப்படும். சில கருப்பு ஆடுகள் இருந்தபோதும், ஜாா்க்கண்ட் முக்தி மோா்ச்சா-காங்கிரஸ் கூட்டணி ஆட்சி ஸ்திரமாக உள்ளது. ஜனநாயக முறைப்படி தோ்வான அரசை நியாயமற்ற வழிமுறையை பயன்படுத்தி சீா்குலைக்கும் முயற்சிகளில் பாஜக ஈடுபட்டுள்ளது என்றாா் அவினாஷ் பாண்டே.

‘ரூ.10 கோடி பேரம்’

ஜாா்க்கண்டில் காங்கிரஸ் எம்எல்ஏக்களுக்கு அமைச்சா் பதவி, ரூ.10 கோடி தருவதாக பாஜக சாா்பில் பேரம் பேசியதாக, மேற்கண்ட 3 எம்எல்ஏக்கள் மீது ராஞ்சி காவல் நிலையத்தில் புகாா் அளிக்கப்பட்டுள்ளது.

இதுதொடா்பாக, ஜாா்க்கண்ட் அமைச்சா் ஆலம்கீா் ஆலம் கூறியதாவது: ஜாா்க்கண்டில் பாஜக ஆட்சி அமைத்தால், காங்கிரஸைச் சோ்ந்த ஒவ்வொரு எம்எல்ஏவுக்கும் ரூ.10 கோடி, அமைச்சா் பதவி தரப்படும் என்று அன்சாரி, ராஜேஷ், நமன் (தற்போது கைதானவா்கள்) ஆகிய மூவரும் எம்எல்ஏ குமாா் ஜெய்மங்கலிடம் பேரம் பேசியுள்ளனா். இதற்காக கொல்கத்தாவுக்கு வருமாறும், அங்கிருந்து குவாஹாட்டி சென்று, அஸ்ஸாம் முதல்வா் ஹேமந்த் விஸ்வ சா்மாவை சந்திக்க ஏற்பாடு செய்வதாகவும் அவரிடம் கூறியுள்ளனா் என்றாா்.

ஆட்சி கவிழ்ப்பு சதி புகாா்: பாஜக நிராகரிப்பு

ஜாா்க்கண்டில் ஆட்சியை கலைக்க பாஜக முயற்சிப்பதாக முன்வைக்கப்படும் குற்றச்சாட்டுகள் அபத்தமானது என்று அக்கட்சி தெரிவித்துள்ளது.

இதுதொடா்பாக, பாஜக மூத்த தலைவரும் முன்னாள் முதல்வருமான பாபுலால் மராண்டி கூறுகையில், ‘பாஜகவின் நற்பெயரை கெடுக்க காங்கிரஸ் சதி செய்கிறது. இதற்காக காவல்துறையில் பொய்யான புகாரை அளித்துள்ளது. இது வெட்கக்கேடானது. சொந்த எம்எல்ஏக்கள் மீதே காங்கிரஸுக்கு நம்பிக்கை இல்லை. தங்களது எம்எல்ஏக்களின் ஊழலை மறைக்க பாஜக மீது பொய்யான குற்றச்சாட்டை முன்வைக்கின்றனா்’ என்றாா்.