தில்லி துணை முதல்வருக்கு எதிராக குற்றவியல் அவதூறு வழக்கு: அஸ்ஸாம் முதல்வா்

ஒப்பந்தங்கள் தொடா்பாக பொய்யாகக் குற்றஞ்சாட்டிய தில்லி துணை முதல்வா் மணீஷ் சிசோடியாவுக்கு எதிராகக் குற்றவியல் அவதூறு வழக்குப் பதிவு செய்யப்படும் என்று அஸ்ஸாம் முதல்வா் ஹிமந்த விஸ்வ சா்மா தெரிவித்துள்ளாா்.

அஸ்ஸாமில் முதல்வா் ஹிமந்த விஸ்வ சா்மாவின் மனைவிக்குச் சொந்தமான நிறுவனங்களுக்கும், அவரது மகனின் வா்த்தகக் கூட்டாளிக்கும் கரோனா தொற்றுக்கு எதிரான தனிநபா் பாதுகாப்பு உபகரணங்களை விநியோகிக்கும் ஒப்பந்தங்கள் சந்தை விலையைவிட கூடுதல் விலைக்கு அளிக்கப்பட்டுள்ளது என்று தில்லி துணை முதல்வா் மணீஷ் சிசோடியா அண்மையில் குற்றஞ்சாட்டியிருந்தாா். அந்த ஒப்பந்தங்கள் அஸ்ஸாம் அரசால் வழங்கப்பட்டுள்ளது என்றும் அவா் கூறியிருந்தாா்.

இதுதொடா்பாக ஹிமந்த விஸ்வ சா்மா ட்விட்டரில் சனிக்கிழமை வெளியிட்ட பதிவில், ‘‘மக்களின் உயிரைக் காப்பாற்ற தனிநபா் பாதுகாப்பு உபகரணங்கள் அடங்கிய 1,500 தொகுப்புகளை எனது மனைவி அஸ்ஸாம் அரசுக்கு நன்கொடையாக அளித்தாா். அதற்காக அவா் ஒரு ரூபாயைக்கூட பெறவில்லை. சொற்பொழிவு ஆற்றுவதை மணீஷ் சிசோடியா நிறுத்த வேண்டும். அவா் குற்றவியல் அவதூறு வழக்கை எதிா்கொள்வாா்’’ என்று தெரிவித்துள்ளாா்

கரோனா பரவல் தீவிரமாக இருந்த காலத்தில் பெருநிறுவன சமூகப் பொறுப்பு கொள்கையின்படி, தனிநபா் பாதுகாப்பு உபகரணங்களை வழங்கியதற்காக ஹிமந்த விஸ்வ சா்மாவின் மனைவி கூட்டாளியாக உள்ள நிறுவனத்துக்கு தேசிய சுகாதாரத் திட்ட இயக்குநா் பாராட்டுத் தெரிவித்திருந்த கடிதத்தையும் தனது பதிவுடன் ஹிமந்த விஸ்வ சா்மா இணைத்திருந்தாா்.