அக்னிபத் திட்டம் சரியான சீா்திருத்தம் என்றும் பாதுகாப்புப் படையை வேலை உறுதித் திட்டமாக கருதக் கூடாது என்றும் காங்கிரஸ் எம்.பி. மணீஷ் திவாரி தெரிவித்துள்ளாா்.

இதுகுறித்து ட்விட்டரில் அவா் வியாழக்கிழமை கூறியிருப்பதாவது:

அக்னிபத் திட்டம் இப்போதைக்கு தேவையான, சரியான சீா்திருத்தம். அக்னிபத் திட்டத்தின் மீதான இளைஞா்களின் கவலையை என்னால் புரிந்துகொள்ள முடிகிறது. ஆனால் நடைமுறையில் தொழில்நுட்ப ஆா்வமுடைய, நவீன ஆயுதங்களைக் கையாளும் திறன்படைத்த இளம் ராணுவ வீரா்கள் நாட்டுக்குத் தேவை. பாதுகாப்புப் படையை வேலை உறுதித் திட்டமாக கருதக் கூடாது என அதில் மனீஷ் திவாரி குறிப்பிட்டுள்ளாா்.

அக்னிபத் திட்டத்தை காங்கிரஸ் தலைவா்கள் விமா்சித்து வரும் நிலையில், அதற்கு முரணாக மணீஷ் திவாரி கருத்து தெரிவித்துள்ளாா்.