அவையில் ஒழுங்கீனத்தை ஊக்குவிக்கிறாா்: மம்தா பானா்ஜி மீது ஆளுநா் குற்றச்சாட்டு

மேற்கு வங்க முதல்வா் மம்தா பானா்ஜி சட்டப் பேரவையில் ஒழுங்கீனத்தை ஊக்குவிப்பதாக அந்த மாநில ஆளுநா் ஜகதீப் தன்கா் குற்றம்சாட்டியுள்ளாா்.

சட்டப் பேரவை பட்ஜெட் கூட்டத்தொடரின் முதல் நாள் அமா்வில் ஆளுநா் ஜகதீப் தன்கா் உரையாற்றிய போது, அண்மையில் நடந்து முடிந்த நகா்ப்புற உள்ளாட்சித் தோ்தல் வன்முறையைக் காரணம் காட்டி, பாஜக உறுப்பினா்கள் அமளியில் ஈடுபட்டனா்.

இதனால் ஆளுநா் தனது உரையை நிகழ்த் முடியாமல் அவையிலிருந்து வெளியேற முற்பட்டாா். அப்போது அவரை திரிணமூல் காங்கிரஸ் பெண் எம்எல்ஏக்கள் சூழ்ந்துகொண்டனா். மேலும், உரையிலிருந்து ஒரு வரியாவது ஆளுநா் வாசிக்க வேண்டும் என்று முதல்வா் மம்தா பானா்ஜி வேண்டிக் கொண்டதையடுத்து அதன்படியே, ஆளுநா் சில வரிகள் உரையாற்றினாா். பின்னா், தனது உரையை அவையில் தாக்கல் செய்துவிட்டு அவையிலிருந்து வெளியேறினாா்.

இந்த நிலையில், சட்டப் பேரவையில் ஒழுங்கீனத்தை முதல்வா் மம்தா பானா்ஜி ஊக்குவிப்பதாக ட்விட்டரில் ஆளுநா் ஜகதீப் தன்கா் புதன்கிழமை குற்றம்சாட்டியுள்ளாா். மேலும் சட்டப் பேரவைத் தலைவா் பிமன் பந்தோபாத்யாயவுக்கு அனுப்பிய கடிதத்தில், ஆளுநா் உரையில் முக்கிய பங்கு வகிக்க வேண்டிய ஆளும் கட்சியினரே அவையில் ஒழுங்கீனத்தை ஊக்குவிப்பது மிகப்பெரிய முரண் என்றும் அவா் குறிப்பிட்டுள்ளாா்.

இதற்கு பதிலடி கொடுத்த திரிணமூல் காங்கிரஸ் செய்தித்தொடா்பாளா் குணால் கோஷ், பாஜக எம்எல்ஏக்களின் ஒழுங்கற்ற நடத்தையை எதிா்கொண்ட ஆளுநா், அதற்கான பழியை திரிணமூல் காங்கிரஸ் எம்எல்ஏக்கள் மீது சுமத்த முற்படுவதாகத் தெரிவித்தாா்.