ராஜஸ்தானில் கனமழை: மக்களின் இயல்பு வாழ்க்கை பாதிப்பு!

ராஜஸ்தானின் ஒரு சில பகுதிகளில் கடந்த 24 மணி நேரத்தில் மிதமான மற்றும் கனமழை பதிவாகியுள்ளதாக வானிலை ஆய்வு மைய அதிகாரி ஒருவர் தெரிவித்தார். 

இதுதொடர்பாக ஜெய்ப்பூர் வானிலை மைய இயக்குனர் ராதேஷ்யம் சர்மா கூறுகையில், 

இந்த காலகட்டத்தில் கரௌலியில் அதிகபட்சமாக 118 மிமீ மழை பதிவாகியுள்ளது.

கிழக்கு ராஜஸ்தானில் கிட்டத்தட்ட அனைத்து இடங்களிலும் லேசானது முதல் மிதமான மழை பெய்துள்ளது என்று  தெரிவித்தார்.

கரௌலி, தோல்பூர், பன்ஸ்வாரா, பிரதாப்கர், ஜலாவர், பரன், சவாய் மாதோபூர் மற்றும் கோட்டா மாவட்டங்களில் தனிமைப்படுத்தப்பட்ட இடங்களில் கனமழை பதிவாகியுள்ளது, அதே நேரத்தில் கடந்த 24 மணி நேரத்தில் ஓரிரு இடங்களில் மிகக் கனமழை பெய்தது.

படிக்க:மழைநீர் வடிகால் பணிகள்... முதல்வர் ஸ்டாலின் நேரில் ஆய்வு!

கடந்த 24 மணி நேரத்தில் சஜ்ஜன்கர், பச்பஹார், சாப்ரா, தோல்பூர், பரன், கிஷன்கஞ்ச், சல்லோபட், அக்லேரா, மங்ரோல், மந்த்ரேயல், சௌத் கா பர்வாரா, சோட்டி சத்ரி மற்றும் பிபால்டா ஆகிய இடங்களில் தலா 70 மிமீ மழை பதிவாகியுள்ளதாக வானிலை ஆய்வு மையம் தெரிவித்துள்ளது.

பல இடங்களில் 10-60 மி.மீ மழை பதிவாகியுள்ளது.

மேற்கு ராஜஸ்தானின் சில பகுதிகளைத் தவிர, மாநிலத்தின் பெரும்பாலான பகுதிகளில் மேக மூட்டம் காணப்பட்டதாகவும், உதய்பூர், ஜெய்ப்பூர், கோட்டா மற்றும் பாரத்பூர் மாவட்டங்களில் இடைவிடாத மழை பெய்து வருவதாகவும் கூறப்படுகிறது. 

கிழக்கு ராஜஸ்தானில் இந்த மழை அடுத்த 2 அல்லது 3 நாள்களுக்குத் தொடரும் என்று அவர் கூறினார்.