மத்தியப் பிரதேசத்தின், மொரேனா மாவட்டத்தில் சட்டவிரோத பட்டாசு ஆலையில் வெடி விபத்து ஏற்பட்டதில் மூவர் உயிரிழந்தனர். 

பன்மோர் காவல் நிலையம் அருகே உள்ள பட்டாசு ஆலையில் சட்டவிரோதமாகப் பட்டாசுகள் தயாரித்து வந்தனர். இந்நிலையில், திடீரென வெடிவிபத்து ஏற்பட்டதில் சம்பவ இடத்திலேயே மூன்று பேர் உயிரிழந்தனர். 7 பேர் காயமடைந்தனர். 

படிக்க: சூரிய கிரகணத்தால் யாருக்கெல்லாம் தோஷம்: பரிகாரம் செய்ய வேண்டியவர்கள்!

இடிபாடுகளில் மேலும் சிலர் புதைந்திருக்கலாம் என சந்தேகிக்கப்படுவதாக அதிகாரிகள் தெரிவித்தனர். இந்த சம்பவம் குறித்து தகவல் கிடைத்ததும் காவல்துறை மற்றும் நிர்வாக அதிகாரிகள் ஜேசிபியுடன் சம்பவ இடத்திற்கு வந்து மீட்புப் பணியில் ஈடுபட்டு வருகின்றனர். 

இந்த தொழிற்சாலையில் தீபாவளிக்கான பட்டாசுகள் தயாரிக்கப்பட்டு வருகின்றன.
குண்டுவெடிப்பில் கட்டடம் முழுவதும் சேதமடைந்ததாக அதிகாரிகள் தெரிவித்தனர்.