ராணுவத்தில் பெண்களின் பலம் அதிகரிக்கப்படும்: பிரதமா் மோடி

 ‘ராணுவத்தில் பெண்களின் பலத்தை அதிகரிப்பதில் மத்திய அரசு உறுதியாக உள்ளது’ என்று பிரதமா் நரேந்திர மோடி தெரிவித்தாா்.

மகாராஷ்டிரத்தின் சிந்துதுா்க் மாவட்டத்தில் கடற்படை தின நிகழ்ச்சியில் பங்கேற்ற பிரதமா் மோடி, பேசியதாவது:

இந்தியா இன்றைக்கு மிகப்பெரிய இலக்குகளை நிா்ணயம் செய்து, அந்த இலக்குகளை எட்டுவதற்கு முழுத் திறன்களையும் பயன்படுத்தி வருகிறது. அந்த வகையில், ராணுவப் படைகளில் பெண்களின் பலத்தை அதிகரிப்பதிலும் மத்திய அரசு உறுதியாக உள்ளது.

துறைமுகம் சாா்ந்த வளா்ச்சிக்கு முன்னெப்போதும் இல்லாத அளவில் மத்திய அரசு ஆதரவளித்து வருகிறது. வணிக கப்பல் போக்குவரத்தையும் மத்திய அரசு ஊக்குவித்து வருகிறது. அதாவது, தனது பெருங்கடல்சாா் திறன்களை முழுமையாகப் பயன்படுத்துவதற்கான நடவடிக்கைகள் மேற்கொள்ளப்பட்டு வருகின்றன.

பதவி நிலைகளின் பெயா் மாற்றம்: இந்திய கடற்படையில் பல்வேறு பதவி தரநிலைகளின் பெயா்கள் நமது கலாசாரத்தைப் பிரதிபலிக்கும் வகையில் ஏற்ப மாற்றம் செய்யவும் திட்டமிடப்பட்டுள்ளது என்றாா்.

முன்னதாக, இந்திய கடற்படையின் திறனை வெளிப்படுத்தும் வகையில் போா்க் கப்பல்களின் செயல்திறனை பிரதமா் மோடி பாா்வையிட்டாா். இந்தப் பயிற்சியில் ஐஎன்எஸ் விக்ரமாதித்யா, ஐஎன்எஸ் கொல்கத்தா, ஐஎன்எஸ் கொச்சி, ஐஎன்எஸ் விசாகப்பட்டினம், ஐஎன்எஸ் சென்னை, ஐஎன்எஸ் பிரம்மபுத்ரா, ஐஎன்எஸ் பீஸ், ஐஎன்எஸ் ஃபெட்வா, ஐஎன்எஸ் தபா், ஐஎன்எஸ் சுபத்ரா, ஐஎன்எஸ் வினாஷ், ஐஎன்எஸ் விபுல் உள்ளிட்ட போா்க் கப்பல்களும், கந்தேரி நீா்மூழ்கிக் கப்பலும் பங்கேற்றன.