நாடாளுமன்றத்தில் புகைக் குப்பி வீச்சு: நீலம் தேவி வீட்டில் சோதனை

நாடாளுமன்ற பாதுகாப்பு அத்துமீறல் சம்பவத்தில் கைது செய்யப்பட்ட ஹரியாணாவைச் சேர்ந்த நீலம் தேவியின் வீட்டில் காவல்துறையினர் சோதனை மேற்கொண்டனர்.

ஹரியாணாவின் ஜிந்த் மாவட்டத்தில் காசோ கிராமத்தில் உள்ள நீலம் வீட்டுக்கு ஞாயிற்றுக்கிழமை இரவு சென்ற தில்லி காவல்துறையின் சிறப்புப் படையினர் சோதனையில் ஈடுபட்டனர்.

இந்த சோதனையின்போது, நீலம் குடும்பத்தினரிடமும் தில்லிக் காவல்துறையினர் விசாரணை நடத்தியதாகவும் தகவல்கள் தெரிவிக்கின்றன. ஆனால், நீலம் வீட்டில் நடத்தப்பட்ட சோதனையில், அங்கிருந்து எந்தவிதமான ஆவணங்களையும் கைப்பற்றப்பட்டிருப்பதாக இதுவரை எந்தத் தகவலும் வெளியாகவில்லை.

நாடாளுமன்ற குளிா்காலக் கூட்டத்தொடா் நடைபெற்று வரும் நிலையில், மக்களவையில் கடந்த டிச. 13-ஆம் தேதி பாா்வையாளா்கள் மாடத்தில் இருந்து திடீரென குதித்த இரு இளைஞா்கள், வண்ணப் புகையை உமிழும் குப்பிகளை வீசினா். அவா்களை அவையில் இருந்த எம்.பி.க்கள் சிறைப்பிடித்து பாதுகாப்புப் படையினரிடம் ஒப்படைத்தனா்.

அதே நேரம், நாடாளுமன்றத்துக்கு வெளியே ஒரு பெண் உள்பட இருவா், புகையை உமிழும் குப்பிகளை வீசி போராட்டத்தில் ஈடுபட்டனா். இவா்கள் நால்வரையும் உடனடியாக கைது செய்த போலீஸாா், சம்பவ இடத்திலிருந்து தலைமறைவான லலித் ஜா மற்றும் அவா் தப்பிக்க உதவிய மகேஷ் குமாவத் இருவரையும் போலீஸாா் அடுத்தடுத்த கைது செய்தனா். 6 பேரும் 7 நாள் போலீஸ் காவலில் சிறையில் அடைக்கப்பட்ட, தீவிர விசாரணைக்கு உட்படுத்தப்பட்டு வருகின்றனா்.

இந்த நிலையில், தாக்குதல் சம்பவத்துக்குப் பிறகு சம்பவ இடத்திலிருந்து தப்பித்து ராஜஸ்தான் மாநிலம் நாகபுரியில் தலைமறைவாக இருந்த இடத்துக்கு லலித் ஜாவை போலீஸாா் சனிக்கிழமை அழைத்துச் சென்று விசாரணை மேற்கொண்டனா்.

இதுகுறித்து போலீஸ் அதிகாரி ஒருவா் கூறுகையில், ‘லலித் ஜாவை அவா் ராஜஸ்தானில் தங்கியிருந்த இடத்துக்கு சனிக்கிழமை அழைத்துச் சென்று போலீஸாா் விசாரித்தனா். அப்போது, குற்றவாளிகளின் கைப்பேசி உள்ளிட்ட தடையங்களை தீ வைத்து அழித்த இடத்தை அவா் போலீஸாரிடம் அடையாளம் காட்டியுள்ளாா். அந்த இடத்திலிருந்து எரிந்த நிலையிலான கைப்பேசி துண்டுகளை போலீஸாா் சேகரித்தனா். அதனைத் தொடா்ந்து, அவா் மீது தடையங்களை அழித்தல் மற்றும் மறைத்தல் உள்ளிட்ட ஐபிசி பிரிவுகளின் கீழும் வழக்குப் பதிவு செய்ய தில்லி போலீஸாா் தீா்மானித்துள்ளனா்’ என்றாா்.

குற்றவாளிகள் மீது ஏற்கெனவே, சட்டவிரோத நடவடிக்கைகள் தடுப்பு சட்ட (யுஏபிஏ) பிரிவுகள் மற்றும் ஐபிசி சட்டப் பிரிவுகளின் கீழ் வழக்குப் பதிவு செய்யப்பட்டுள்ளது.