ஒடிசாவில் மறுசீரமைப்பு பணிகள்: 10 ரயில்கள் ரத்து!

தென்கிழக்கு ரயில்வேயின் கராக்பூர்-பத்ராக் பிரிவின் பஹங்கா பஜார் நிலையத்தில் மறுசீரமைப்பு பணிகள் காரணமாக 10 ரயில்கள் ரத்து செய்யப்பட்டுள்ளன. 

கடந்த ஜூன் 2-ஆம் தேதி பாலாசோர் மாவட்டத்தின் பஹங்கா பஜாரில் அடுத்தடுத்து மூன்று ரயில்கள் ஒன்றோடொன்று மோதி விபத்துக்குள்ளானது. இந்த கோர விபத்தில் 292 பலியாகினர். ஆயிரத்துக்கும் மேற்பட்டோர் காயமடைந்தனர்.

படிக்க: ஹைதராபாத் அருகே 1,000 வருட பழமையான ஜெயின் சிற்பங்கள் கண்டுபிடிப்பு!

இந்நிலையில், அடுத்த மூன்று நாள்கள்ற சீரமைப்பு பணிகள் நடைபெற்று வருவதால், ஜூன் 28(இன்று) புறப்படவிருந்த 8 ரயில்கள் மற்றும் ஜூன், 29,30 ஆகிய தேதிகளில் புறப்படவிருந்த 2 ரயில்களும் ரத்து செய்யப்பட்டுள்ளது.

இதற்கிடையில், பயணிகளின் சிரமத்தைத் தவிர்க்க, சிறப்பு ரயில்கள் இயக்கப்படுவதாக தென் மத்திய ரயில்வே அறிவித்துள்ளது.