உத்தரப் பிரதேசத்தில் தி கேரளா ஸ்டோரி திரைப்படத்துக்கு வரிவிலக்கு அளிப்பதாக அம்மாநில முதல்வர் யோகி ஆதித்யநாத் செவ்வாய்க்கிழமை அறிவித்துள்ளார்.

சுதிப்தோ சென் இயக்கியுள்ள தி கேரளா ஸ்டோரி திரைப்படம் கடும் சர்ச்சைகளுக்கு மத்தியில் கடந்த வாரம் வெளியானது. இந்தப் படத்தில் இஸ்லாமிய சமூகத்தினரை கேவலமாக சித்தரித்து வெளியிடப்பட்டதற்கு கடுமையான எதிர்ப்புகள் எழுந்துள்ளன.

பலத்த எதிர்ப்புகளுக்கு மத்தியில் பிரதமர் நரேந்திர மோடி, மத்திய அமைச்சர்கள் படத்துக்கு ஆதரவு தெரிவித்துள்ளனர். மேலும், பாஜக ஆளும் மத்தியப் பிரதேசத்தில் தி கேரளா ஸ்டோரி படத்துக்கு வரி விலக்கு அளிக்கப்பட்டது.

இதையும் படிக்க |  வெறுப்பை உமிழும் தி கேரளா ஸ்டோரி - திரைவிமர்சனம்

இந்நிலையில், உத்தரப் பிரதேச மாநிலத்திலும் இந்த படத்துக்கு வரி விலக்கு அளிப்பதாக முதல்வர் யோகி ஆதித்யநாத் அறிவித்துள்ளார். மேலும், சிறப்புக் காட்சி ஏற்பாடு செய்து அமைச்சர்களுடன் இணைந்து இந்த படத்தை யோகி பார்க்க உள்ளதாகவும் தகவல்கள் வெளியாகியுள்ளன.

தொடர்ந்து, பாஜக ஆளும் மாநிலங்களில் தி கேரளா ஸ்டோரி படத்துக்கு வரி விலக்கு அளிக்கப்படும் எனத் தகவல் வெளியாகியுள்ளது.