புதுதில்லி: ஐ.டி.சி. லிமிடெட் நிறுவனத்தின் நிகர லாபம், மார்ச் மாதத்துடன் முடிவடைந்த நான்காவது காலாண்டில் 22.66 சதவீதம் அதிகரித்து ரூ.5,225.02 கோடியாக அதிகரித்துள்ளது.

கடந்த நிதியாண்டின் இதே காலகட்டத்தில் நிறுவனத்தின் நிகர லாபம் ரூ.4,259.68 கோடியாக இருந்தது என்று ஐடிசி லிமிடெட் தெரிவித்துள்ளது.

செயல்பாடுகள் மூலம் திரட்டப்பட்ட வருவாய் ரூ.19,058.29 கோடியாக இருந்தது, இது 2022 நிதியாண்டின் நான்காவது காலாண்டில் ரூ.17,754.02 கோடியாக இருந்தது. மொத்த செலவினங்கள் ரூ.12,632.29 கோடியிலிருந்து அதிகரித்து ரூ.12,907.84 கோடியானது.

மார்ச் 31, 2023 உடன் முடிவடைந்த நிதியாண்டில், ஒருங்கிணைந்த நிகர லாபம் ரூ.19,427.68 கோடியாக இருந்தது. இது 2022ம் நிதியாண்டில் ரூ.15,485.65 கோடியாக இருந்தது.

2023ம் நிதியாண்டில் செயல்பாடுகள் மூலம் ஈட்டிய வருவாய் ரூ.65,204.96 கோடியிலிருந்து ரூ.76,518.21 கோடியாக அதிகரித்துள்ளது.