ராஜஸ்தான் சட்டப்பேரவைத் தேர்தலை முன்னிட்டு காங்கிரஸ் கட்சியின் தேர்தல் அறிக்கை இன்று வெளியிடப்பட்டுள்ளது.

200 தொகுதிகளைக் கொண்ட ராஜஸ்தான் சட்டப்பேரவைக்கு வரும் 25-ஆம் தேதி தேர்தல் நடைபெற உள்ளது. இதில் ஆளும் காங்கிரஸ் மற்றும் எதிர்க்கட்சியான பாஜக இடையே கடுமையான இருமுனைப் போட்டி நிலவி வருகின்றது.

தேர்தலை முன்னிட்டு இரு கட்சிகளும் தீவிர பிரசாரத்தில் ஈடுபட்டு வரும் நிலையில், காங்கிரஸ் கட்சியின் தலைவர் மல்லிகார்ஜுன கார்கே, ராஜஸ்தான் முதல்வர் அசோக் கெலாட் இணைந்து இன்று தேர்தல் அறிக்கையை வெளியிட்டுள்ளனர்.

இதையும் படிக்க | உத்தரகண்ட் சுரங்கப் பாதையில் சிக்கிய தொழிலாளர்களின் முதல் விடியோ வெளியானது!

அதில், முக்கிய வாக்குறுதிகளாக விவசாயிகளுக்கு ரூ. 2 லட்சம் வரை வட்டியில்லா கடன், சமையல் எரிவாயு ரூ. 400, சாதிவாரி கணக்கெடுப்பு, அரசுப் பேருந்தில் பெண்களுக்கு இலவச பயணம், முதலாம் ஆண்டு கல்லூரி மாணவர்களுக்கு இலவச மடிக்கணினி உள்ளிட்டவை அறிவிக்கப்பட்டுள்ளன.

மேலும், 4 லட்சம் அரசு வேலைகள், 10 லட்சம் வேலைவாய்ப்புகள், சிரஞ்சீவி காப்பீட்டு திட்டத்தின் தொகை ரூ. 50 லட்சமாக உயர்வு, குறைந்தபட்ச ஆதரவு விலைக்கான சட்டம் உள்ளிட்ட வாக்குறுதிகளும் தேர்தல் அறிக்கையில் இடம்பெற்றுள்ளன.