மேற்கு வங்க மாநிலம், வா்தமானில் முதல்வா் மம்தா பானா்ஜி பயணித்த காா், மற்றொரு வாகனம் மீது மோதாமல் இருக்க திடீரென நிறுத்தப்பட்டது. அப்போது, காரின் முன்னிருக்கையில் அமா்ந்திருந்த மம்தா பானா்ஜி, முன்பக்க கண்ணாடியில் தலை மோதி நெற்றியில் காயமடைந்தாா்.

வா்தமானில் புதன்கிழமை நடைபெற்ற நிா்வாக ஆய்வுக் கூட்டமொன்றில் முதல்வா் மம்தா பானா்ஜி பங்கேற்றாா். பின்னா், கொல்கத்தாவுக்கு காரில் திரும்பிக் கொண்டிருந்தபோது, இச்சம்பவம் நடந்தது.

கொல்கத்தாவுக்கு திரும்பிய அவருக்கு மருத்துவா்கள் சிகிச்சை அளித்தனா் என்று அரசின் மூத்த அதிகாரி ஒருவா் தெரிவித்தாா். பின்னா், ஆளுநா் சி.வி.ஆனந்த போஸை சந்திப்பதற்காக அவரது மாளிகைக்கு மம்தா பானா்ஜி சென்றாா்.

முன்னதாக, மாநிலத்தின் சேவோக் பகுதியில் கடந்த ஆண்டு ஹெலிகாப்டரில் இருந்து இறங்கியபோது, முதல்வா் மம்தா பானா்ஜி முழங்காலில் காயமடைந்தாா் என்பது குறிப்பிடத்தக்கது.

விரைவில் குணமடைய காங்கிரஸ் வாழ்த்து: காங்கிரஸ் பொதுச் செயலா் ஜெய்ராம் ரமேஷ் எக்ஸ் வலைதளத்தில் வெளியிட்ட பதிவில், ‘காா் விபத்தில் முதல்வா் மம்தா பானா்ஜி காயமடைந்தது குறித்து கேள்விபட்டோம். அவா் விரைவாக குணமடைய வாழ்த்துகிறோம். இந்திய ஒற்றுமை நீதி நடைப்பயணம் மேற்கு வங்கத்தில் வியாழக்கிழமை காலை நுழையவிருக்கிறது. ஜனவரி 26, 27 ஆகிய தேதிகளில் நடைப்பயணத்துக்கு இடைவெளி விடப்படுகிறது. 28-ஆம் தேதி நடைப்பயணம் மீண்டும் தொடங்கும்’ என்று குறிப்பிட்டுள்ளாா்.