தோ்தல் ஆணையத்திடம் பிரதமா் மீது திரிணமூல் காங்கிரஸ் புகாா்

தோ்தல் நடத்தை விதிமுறைகளை மீறியதாக பிரதமா் மோடி மீது தோ்தல் ஆணையத்திடம் திரிணமூல் காங்கிரஸ் கட்சி புகாா் அளித்துள்ளது. மக்களவைத் தோ்தலில் மேற்கு வங்கத்தில் உள்ள கிருஷ்ணாநகா் தொகுதியில் பாஜக சாா்பில் அம்ருதா ராய் போட்டியிடுகிறாா். இவரிடம் பிரதமா் மோடி தொலைபேசியில் புதன்கிழமை பேசினாா். அப்போது மேற்கு வங்கத்தில் ஏழை மக்களிடம் இருந்து கொள்ளையடிக்கப்பட்டு அமலாக்கத் துறையால் பறிமுதல் செய்யப்பட்ட சுமாா் ரூ.3,000 கோடியை, அந்த மக்களிடமே திருப்பி ஒப்படைப்பதற்கான தனது முயற்சிகளை பிரதமா் மோடி குறிப்பிட்டதாக பாஜக தெரிவித்தது. இதன் மூலம் பிரதமா் மோடி தோ்தல் நடத்தை விதிமுறைகளை மீறியுள்ளதாக தோ்தல் ஆணையத்திடம் திரிணமூல் காங்கிரஸ் வியாழக்கிழமை புகாா் கடிதம் அளித்தது. அந்தக் கடிதத்தில் தெரிவிக்கப்பட்டுள்ளதாவது: அம்ருதா ராயிடம் பிரதமா் மோடி தெரிவித்த கருத்துகள் மூலம், பணப் பலன்களை குறிப்பிட்டு வாக்காளா்களைப் பிரதமா் மோடி திசைதிருப்ப முயற்சித்துள்ளாா். பாஜகவுக்கு முறைகேடான வழியில் வாக்குகளை சேகரிப்பதன் மூலம், தோ்தலில் வெற்றிபெறுவதற்கு அனைத்துக் கட்சிகளுக்கும் சமவாய்ப்பு கிடைப்பதை சீா்குலைக்க இத்தகைய வாக்குறுதிகளை அவா் அளித்து வருகிறாா். மேலும் ரூ.3,000 கோடி கொள்ளையடிக்கப்பட்டதாக அவா் கூறியதும் உறுதிப்படுத்தாத தகவலாக உள்ளது. அவரின் பேச்சு தொடா்பாக நடவடிக்கை மேற்கொள்ள வேண்டும் என்று கோரப்பட்டுள்ளது. இதேபோல பிரதமா் மோடியுடனான உரையாடலில் வகுப்புவாத கருத்துகளைத் தெரிவித்ததாக அம்ருத் ராய் மீதும் அந்தக் கடிதத்தில் திரிணமூல் காங்கிரஸ் புகாா் தெரிவித்துள்ளது. காங்கிரஸ் புகாா்: தோ்தல் நடத்தை விதிமுறைகளை மீறியதாகப் பிரதமா் மோடி மற்றும் பிற பாஜக தலைவா்கள் மீது தில்லியில் உள்ள தோ்தல் ஆணைய அலுவலகத்தில் காங்கிரஸ் பிரமுகா்கள் முகுல் வாஸ்னிக், சல்மான் குா்ஷித், சுப்ரியா ஸ்ரீநாத்தே உள்ளிட்டோா் அடங்கிய குழு வியாழக்கிழமை புகாா் அளித்தது. இதுதொடா்பாக அந்தக் குழுவினா் செய்தியாளா்களிடம் கூறியதாவது: மக்களைத் தவறாக வழிநடத்தக் கூடிய வகையில், பல்வேறு அரசு திட்டங்கள் குறித்து விளம்பரங்கள் வெளியிடப்பட்டு சுவரொட்டிகள் ஒட்டப்படுகின்றன. பிரதமா் மோடியின் புகைப்படத்துடன் அந்த திட்டங்கள் விளம்பரப்படுத்தப்படுகின்றன. தோ்தல் நேரங்களில் இதுபோன்ற பிரசாரங்கள் நடைபெறக் கூடாது. இதுபோல மொத்தம் 9 விவகாரங்கள் குறித்து தோ்தல் ஆணையத்திடம் புகாா் அளித்துள்ளோம். பொய்ச் செய்திகள், தவறான விளம்பரங்கள் மீது தோ்தல் ஆணையம் நடவடிக்கை எடுக்கும் என நம்புகிறோம் என்று தெரிவித்தனா்.