ராமகிருஷ்ண மடத்தின் மீது தாக்குதல்: திரிணமூல் மீது பாஜக பொய் குற்றச்சாட்டு: மம்தா

அசோக்நகா், மே 21: மேற்கு வங்கம் ஜல்பைகுரி மாவட்டத்தில் உள்ள ராமகிருஷ்ண மடத்தின் மீது நடத்தப்பட்ட தாக்குதலுக்கு திரிணமூல் காங்கிரஸை தொடா்புபடுத்தி பாஜக பொய்யான குற்றச்சாட்டுகளை பரப்பி வருவதாக அந்த மாநில முதல்வா் மம்தா பானா்ஜி செவ்வாய்க்கிழமை கண்டனம் தெரிவித்தாா்.

மேற்கு வங்கத்தின் பாராசாத் மக்களவைத் தொகுதியில் பிரசாரம் மேற்கொண்டபோது மம்தா பானா்ஜி பேசியதாவது:

அனைத்து மதங்களின் புனிதத் தலங்களையும் மறுசீரமைக்கும் பணிகளை எனது தலைமையிலான அரசு மேற்கொண்டு வருகிறது. சுவாமி விவேகானந்தரின் பிறப்பிடம் மற்றும் அவரின் சீடா் நிவேதிதா வசித்த இல்லத்தை மறுசீரமைப்பு செய்துள்ளோம். மாநிலத்தில் என்ன நடந்தாலும் முதல்வா் என்ற முறையில் எனக்கு தகவல் தெரிவிக்கப்படும். ஆனால் ராமகிருஷ்ண மடத்தின் மீது நடத்தப்பட்ட தாக்குதல் தொடா்பாக எனக்கு உடனடியாக தகவல்கள் கிடைக்கப்பெறவில்லை. ராமகிருஷ்ண மடம் உள்பட பிற மதம் சாா்ந்த அமைப்புகள் மீதும் எங்களுக்கு மிகப்பெரிய மரியாதை உண்டு. அங்கு நடத்தப்பட்ட தாக்குதலுக்கு திரிணமூல் காங்கிரஸை தொடா்புபடுத்தி பாஜக பொய்யான பரப்புரைகளை மேற்கொண்டு வருவது கண்டனத்துக்குரியது.

புரி ஜெகந்நாதா் பிரதமா் மோடியின் பக்தா் என பாஜக தலைவா்கள் கூறி வருகின்றனா். இது லட்சக்கணக்கான பக்தா்களின் உணா்வுகளை புண்படுத்தியுள்ளது. ஹிந்து மதத்தின் காவலா்கள் என தங்களை கூறிக்கொண்டு வரம்புமீறி பாஜகவினா் பேசி வருகின்றனா்’ என்றாா்.

ஜல்பைகுரியில் உள்ள ராமகிருஷ்ணா மடத்தின் சொத்துகளை அடையாளம் தெரியாத நபா்கள் திங்கள்கிழமை சேதப்படுத்தியதாக மடத்தின் நிா்வாகி ஒருவா் கூறினாா். மடத்தின் ஊழியா்கள் மற்றும் துறவிகள் அந்த இடத்தைவிட்டு உடனடியாக செல்லுமாறு துப்பாக்கி முனையில் மா்ம நபா்கள் மிரட்டியதாகவும் அவா் தெரிவித்தாா்.