உங்கள் ஆசை.. என் பொறுப்பு.. என்று முன்னாள் பிரதமர் ராஜீவ் நினைவுநாளில் காங்கிரஸ் எம்.பி. ராகுல் உருக்கமாக பதிவிட்டுள்ளார்.

மறைந்த முன்னாள் பிரதமர் ராஜீவ் காந்தியின் நினைவுநாள் இன்று அனுசரிக்கப்படுகிறது.

இதனை முன்னிட்டு, புது தில்லியில் உள்ள வீர் பூமியில், காங்கிரஸ் தலைவர் மல்லிகார்ஜுன கார்கே, காங்கிரஸ் எம்.பி. சோனியா காந்தி, ராகுல் காந்தி உள்ளிட்டோர் மலர் தூவி மரியாதை செலுத்தப்பட்டது.

ராஜீவ் காந்தியின் நினைவு நாளான மே 21ஆம் தேதி பயங்கரவாத எதிர்ப்பு நாளாகக் கடைப்பிடிக்கப்பட்டு வருகிறது.

இன்றைய நாளில், தனது தந்தையும் முன்னாள் பிரதமருமான ராஜீவ் காந்தியுடன் தான் இருக்கும் புகைப்படத்தைப் பகிர்ந்துள்ளார் ராகுல் காந்தி.

அந்த புகைப்படத்துடன்

உன் கனவுகள், என் கனவுகள்,

உங்கள் ஆசைகள், என் பொறுப்புகள்.

உன் நினைவுகள், இன்றும் என்றும், என்றும் என் இதயத்தில். என்று உருக்கமாகப் பதிவிட்டுள்ளார்.