நாட்டின் 18-ஆவது மக்களவைத் தேர்தலுக்கான ஏழாம் கட்டத் தேர்தலில் 904 வேட்பாளர்கள் போட்டியிடுவதாக தேர்தல் ஆணையம் தெரிவித்துள்ளது.

கடந்த மாதம் 19-ஆம் தேதி தொடங்கி 7 கட்டங்களாக மக்களவைத் தேர்தல் வாக்குப் பதிவு நடைபெற்று வருகிறது. 5 கட்ட தேர்தல்கள் முடிவடைந்துள்ளநிலையில், 6-ஆம் கட்டத் தேர்தல் மே 25-ஆம் தேதி 6 மாநிலங்கள், 2 யூனியன் பிரதேங்களில் 58 தொகுதிகளுக்கு நடைபெறவுள்ளது.

இந்நிலையில், ஜூன் 1-ஆம் தேதி நடைபெறும் 7-ஆம் கட்டத் தேர்தலில் 8 மாநிலங்கள், யூனியன் பிரதேசங்களில் உள்ள 57 தொகுதிகளில் போட்டியிட மொத்தம் 2,105 வேட்புமனுக்கள் தாக்கல் செய்யப்பட்டன என்றும் இதில் 904 வேட்பாளர்கள் இறுதியாக போட்டியிடுகின்றனர் என்றும் தேர்தல் ஆணையம் தெரிவித்துள்ளது. பிகார், ஹிமாசல பிரதேசம், ஜார்க்கண்ட், ஒடிஸô, பஞ்சாப், உத்தர பிரதேசம், மேற்கு வங்கம், சண்டீகரில் ஏழாம் கட்டத் தேர்தல் நடைபெற உள்ளது.