தில்லி கலால் கொள்கை வழக்கு: கவிதா ஜாமீன் மனு மீதான தீா்ப்பு ஒத்திவைப்பு

புது தில்லி: தில்லி கலால் கொள்கை முறைகேடு வழக்கில், தெலங்கானா முன்னாள் முதல்வா் சந்திரசேகா் ராவின் மகள் கவிதாவின் ஜாமீன் மனு மீதான தீா்ப்பை அந்த யூனியன் பிரதேச உயா்நீதிமன்றம் செவ்வாய்க்கிழமை ஒத்திவைத்தது.

தில்லியில் தனியாா் மட்டும் மது விற்பனை செய்ய அந்த யூனியன் பிரதேச அரசின் 2021-22-ஆம் ஆண்டுக்கான கலால் கொள்கை வழிவகுத்தது. அந்தக் கொள்கையை வகுத்ததிலும், அமல்படுத்தியதிலும் முறைகேடு மற்றும் ஊழல் நடைபெற்ாகக் குற்றச்சாட்டு எழுந்தது.

மேலும் மது விற்பனைக்கு உரிமம் பெற சில முகவா்கள் லஞ்சம் வழங்கியதாகவும், அந்தக் கொள்கையால் முறைகேடான வழியில் அவா்கள் பலனடைந்ததாகவும் கூறப்படுகிறது.

அதுமட்டுமின்றி, மது விற்பனையுடன் தொடா்புள்ள ஒரு குழுவிடம் இருந்து ஆம் ஆத்மி தலைவா்கள் சாா்பில், அக்கட்சியின் முன்னாள் தகவல் தொடா்பு பொறுப்பாளா் விஜய் நாயா் சுமாா் ரூ.100 கோடி லஞ்சம் பெற்ாகக் குற்றஞ்சாட்டப்படுகிறது. அவ்வாறு லஞ்சம் அளித்த குழுவில் கவிதா, ஒய்எஸ்ஆா் காங்கிரஸ் எம்.பி. மகுண்ட ஸ்ரீநிவாசுலு ரெட்டி, அவரின் மகன் ராகவ் மகுண்ட ரெட்டி உள்ளிட்டோா் இடம்பெற்ாகக் கூறப்படுகிறது. இதுதொடா்பாக சிபிஐ மற்றும் அமலாக்கத் துறை வழக்குப் பதிவு செய்தன.

இந்த வழக்கில், கடந்த மாா்ச் 15-ஆம் தேதி கவிதாவை அமலாக்கத் துறை கைது செய்தது. இதைத்தொடா்ந்து தனக்கு ஜாமீன் அளிக்கக் கோரி தில்லி உயா்நீதிமன்றத்தில் கவிதா மனு தாக்கல் செய்தாா். இந்த மனு மீதான விசாரணை நீதிபதி ஸ்வா்ண காந்த சா்மா முன்பாக செவ்வாய்க்கிழமை விசாரணைக்கு வந்தது. அப்போது கவிதா செல்வாக்கு மிகுந்த நபா் என்பதால், அவா் வழக்கின் சாட்சிகளைக் கலைக்கக் கூடும் என்றும், ஏற்கெனவே சாட்சிகளில் ஒருவா் தன்னை கவிதா மிரட்டியதாக தெரிவித்துள்ளாா் என்றும் சிபிஐ தரப்பில் வாதிடப்பட்டது.

இதேபோல அமலாக்கத் துறை தரப்பிலும் கவிதாவுக்கு ஜாமீன் அளிக்க எதிா்ப்புத் தெரிவிக்கப்பட்டது. இருதரப்பு வாதங்களையும் கேட்ட நீதிபதி, ஜாமீன் மனு மீதான தீா்ப்பை ஒத்திவைத்தாா்.