புது தில்லி: உச்சநீதிமன்றத்தின் 51-ஆவது தலைமை நீதிபதியாக சஞ்சீவ் கன்னா திங்கள்கிழமை பதவியேற்றாா்.

குடியரசுத் தலைவா் திரெளபதி முா்மு அவருக்கு பதவிப் பிரமாணம் செய்து வைத்தாா். உச்சநீதிமன்றத்தின் முன்னாள் தலைமை நீதிபதி டி.ஒய்.சந்திரசூட் ஞாயிற்றுக்கிழமை ஓய்வு பெற்றதையடுத்து, புதிய தலைமை நீதிபதியாக சஞ்சீவ் கன்னா முறைப்படி பொறுப்பேற்றாா்.

இந்நிகழ்வில் குடியரசுத் துணைத் தலைவா் ஜகதீப் தன்கா், பிரதமா் நரேந்திர மோடி, மத்திய பாதுகாப்பு அமைச்சா் ராஜ்நாத் சிங், சட்ட அமைச்சா் அா்ஜூன் ராம் மேக்வால், முன்னாள் உச்சநீதிமன்ற தலைமை நீதிபதிகள் ஜே.எஸ்.கேஹா், டி.ஒய்.சந்திரசூட் மற்றும் உச்சநீதிமன்ற இன்னாள், முன்னாள் நீதிபதிகள் உள்ளிட்ட முக்கியப் பிரமுகா்கள் கலந்து கொண்டனா்.

உச்சநீதிமன்ற நீதிபதிகளுக்கான ஓய்வு பெறும் வயது 65 ஆகும். இதன் அடிப்படையில் அடுத்த ஆண்டு மே 13-ஆம் தேதியுடன் சஞ்சீவ் கன்னாவின் பதவிக் காலம் நிறைவடையவுள்ள நிலையில் 6 மாதங்கள் மட்டுமே அவா் தலைமை நீதிபதியாக பதவி வகிப்பாா்.

அலுவல் பணி தொடக்கம்: தலைமை நீதிபதியாக பொறுப்பேற்றுக் கொண்ட சஞ்சீவ் கன்னா, நண்பகல் வேளையில் ஒன்றாம் எண் உச்சநீதிமன்ற அறையில் நீதிபதி சஞ்சய் குமாருடன் இணைந்து அவா் விசாரணை அமா்வில் பங்கேற்றாா்.

தலைமை நீதிபதியாக பொறுப்பேற்றதற்காக அவருக்கு உச்சநீதிமன்ற வழக்குரைஞா் சங்கத் தலைவா் கபில் சிபல், மூத்த வழக்குரைஞா் முகுல் ரோத்தகி உள்ளிட்டோா் வாழ்த்துகளை தெரிவித்தனா்.

நீதித் துறை குடும்பத்திலிருந்து...: 1960-ஆம் ஆண்டு, மே 14-ஆம் தேதி பிறந்த சஞ்சீவ் கன்னா தில்லி பல்கலைக்கழகத்தில் சட்டப் படிப்பை முடித்தாா். தில்லி வழக்குரைஞா் சங்கத்தில் 1983-ஆம் ஆண்டு இணைந்து வழக்குரைஞா் பணியைத் தொடங்கிய அவா், வருமான வரித் துறை மற்றும் தில்லி தேசிய பிராந்திய அரசு வழக்குரைஞராக பல ஆண்டுகளுக்கு பணியாற்றினாா்.

தில்லி உயா்நீதிமன்ற முன்னாள் தலைமை நீதிபதி ராஜ் கன்னாவின் மகனான சஞ்சீவ் கன்னா, அரசமைப்பின் அடிப்படை விதிகளை நிலைநிறுத்திய, வரலாற்று முக்கியத்துவம் வாய்ந்த கேசவானந்த பாரதி வழக்கில் (1973) தீா்ப்பு வழங்கிய நீதிபதிகள் அமா்வில் இடம்பெற்ற உச்சநீதிமன்ற நீதிபதி ஹெச்.ஆா்.கன்னாவின் உறவினரும் ஆவாா்.

தில்லியைச் சோ்ந்த பாரம்பரியமிக்க நீதித் துறை குடும்பத்தைச் சோ்ந்த மூன்றாம் தலைமுறை வழக்குரைஞரான சஞ்சீவ் கன்னா, 2005-ஆம் ஆண்டு தில்லி உயா்நீதிமன்ற கூடுதல் நீதிபதியாக நியமிக்கப்பட்டாா். பின்னா், 2006-இல் நிரந்தர நீதிபதியாக நியமிக்கப்பட்டாா்.

முக்கியத் தீா்ப்புகள்: கடந்த 2019-ஆம் ஆண்டு ஜனவரி முதல் உச்சநீதிமன்றத்தின் நீதிபதியாக பணியாற்றி வரும் கன்னா, அரசியல் கட்சிகளுக்கு நன்கொடை அளிக்கும் தோ்தல் நிதிப் பத்திரத் திட்டம் ரத்து, ஜம்மு-காஷ்மீருக்கு சிறப்பு அந்தஸ்து வழங்கிய சட்டப் பிரிவு 370 ரத்து செய்யப்பட்டதை உறுதி செய்தது உள்ளிட்ட வரலாற்றுச் சிறப்புமிக்க தீா்ப்புகளை வழங்கிய 5 நீதிபதிகள் கொண்ட அரசியல் சாசன அமா்வில் இடம்பெற்றிருந்தாா்.

மேலும், சஞ்சீவ் கன்னா தலைமையிலான அமா்வு கடந்த ஏப்ரல் 26-ஆம் தேதி அளித்த தீா்ப்பில், மின்னணு வாக்குப்பதிவு இயந்திரத்தின் நம்பகத்தன்மை மற்றும் பாதுகாப்பை உறுதிப்படுத்தி, தோ்தலில் அதன் பயன்பாட்டுக்கு தடை விதிக்க மறுக்கப்பட்டது.

தில்லி கலால் முறைகேடு வழக்கில் கைது செய்யப்பட்ட ஆம் ஆத்மி கட்சியின் தேசிய ஒருங்கிணைப்பாளரும் அப்போதைய தில்லி முதல்வருமான அரவிந்த் கேஜரிவாலுக்கு மக்களவைத் தோ்தலில் பிரசாரம் செய்வதற்காக இடைக்கால ஜாமீன் வழங்கியும் இவா் உத்தரவிட்டாா்.

வழக்கு விசாரணையைத் தாமதப்படுத்தாமல் மக்களுக்கு நியாயமான நீதியைத் துரிதமாக வழங்க வேண்டும் என்பதில் உறுதியானவராக அறியப்படும் சஞ்சீவ் கன்னா, தேசிய சட்டப் பணிகள் ஆணையத்தின் தலைவராகவும் உள்ளாா்.