தெரியுமா சேதி...? ஹரியாணா தோல்விக்குக் காரணம் பூபிந்தா் ஹூடா!

வழக்கம்போல ஹரியாணா பேரவைத் தோ்தலுக்குப் பிறகு காங்கிரஸ் நடத்திய போஸ்ட்மாா்ட்டங்கள் பல திடுக்கிடும் தகவல்களைத் தருகின்றன. தோல்விக்குப் பிறகுதான் கட்சித் தலைமைக்குத் தாங்கள் செய்த தவறுகள் உறைக்கத் தொடங்கி இருக்கின்றன. வெற்றிக்கு எப்படி கட்சித் தலைமையின் செல்வாக்கு காரணமாக்கப்படுமோ, அதுபோல தோல்விக்கான பழி மாநிலத் தலைமை மீது சுமத்தப்படுவதும்கூட எதிா்பாா்க்காததல்ல...

‘ஹரியாணாவில் தோற்றது ஹூடா காங்கிரஸ்தான்; காங்கிரஸ் அல்ல’ என்று பரப்புரை செய்யப்படுகிறது. அது உண்மையும்கூட.

தோ்தலுக்கு முன்னால் ‘காங்கிரஸுக்கு சாதகமாக அடிக்கப்போவது அலையா, இல்லை சுனாமியா’ என்று பேசியவா்கள், இப்போது அதையே தோல்விக்கான காரணமாகக் கூறுகிறாா்கள். ஹரியாணா தோ்தலில் பூபிந்தா் ஹூடாவை முதல்வராக அறிவித்தது மட்டுமல்லாமல், பிரசாரத்தில் அவருக்கு முழு சுதந்திரமும் அளிந்திருந்தது கட்சித் தலைமை. அதுதான் தோல்விக்குக் காரணமாக மாறிவிட்டது என்கிறாா்கள் காங்கிரஸ்காரா்கள்.

காங்கிரஸுக்கு சாதகமாக மிகப் பெரிய அலை அடிக்கப்போகிறது என்று எல்லோரும் சொன்னபோது, ஹூடாவுக்கும் அவரது ஆதரவாளா்களுக்கும் மனதில் பயம் தொற்றிக் கொண்டது. 2005-இல் இதுபோல, பஜன்லால் முதல்வராக முன்னிறுத்தப்பட்டாா். அவா் காங்கிரஸுக்கு மிகப் பெரிய வெற்றியை உறுதி செய்தாா். தோ்தல் முடிவுகள் வந்ததும், பஜன்லாலுக்கு முதல்வா் பதவி தரப்படாமல் ஹூடாவை முதல்வராக்கியது கட்சித் தலைமை. அந்த நிலைமை இப்போது தனக்கும் ஏற்படலாம் என்கிற பயம் தொற்றிக் கொண்டது பூபிந்தா் ஹூடாவுக்கு.

வேட்புமனு தாக்கல் தொடங்கியபோது, போட்டி வேட்பாளா்கள் பலா் காங்கிரஸில் களமிறங்கினாா்கள். அப்போதே 27 போட்டி வேட்பாளா்கள் பூபிந்தா் ஹூடா ஆதரவாளா்கள் என்கிற குற்றச்சாட்டு எழுந்தது. மிகப் பெரிய வெற்றியாக அமைந்துவிடாமல் குறைந்த அளவு பெரும்பான்மையுடன் காங்கிரஸ் வெற்றி பெற்றால்தான், கட்சித் தலைமை தன்னைச் சாா்ந்து இருக்கும் என்று ஹூடா கருதுகிறாா் என்றுகூடச் செய்திகள் அப்போது வெளியாகின.

தோ்தல் முடிவுகள் வெளியானபோது, 17 தொகுதிகளில் போட்டி வேட்பாளா்கள் காரணமாக காங்கிரஸ் வெற்றிபெற முடியவில்லை என்பது தெரியவந்தது. காங்கிரஸுக்கு சாதகமாக ‘சுனாமி’ அடித்துவிடக் கூடாது என்பதற்காக பூபிந்தா் ஹூடா போட்ட திட்டத்தால் பாஜக ‘சுனாமி’ அவரையே அடித்துக் கொண்டு போய்விட்டது என்று கூறிச் சிரிக்கிறாா்கள் குமாரி செல்ஜா உள்ளிட்ட ஹூடா எதிா்ப்பாளா்கள்.