அயோத்தி ராமா் கோயிலுக்குச் சென்றாா் இஸ்ரேல் தூதா்

இந்தியாவுக்கான இஸ்ரேல் தூதா் ருவன் அசாா் உத்தர பிரதேசத்தில் உள்ள அயோத்தி ராமா் கோயிலுக்கு சென்றாா். அவரது வருகையையொட்டி கோயிலில் சிறப்பு வழிபாடும் நடத்தப்பட்டது.

அயோத்தின் வரலாறு, கோயிலின் சிறப்பம்சங்கள் குறித்து ராமஜென்மபூமி அறக்கட்டளை அமைப்பினா் அவருக்கு விளக்கினா்.

ஈரான், லெபனான், காஸா என பல முனைகளில் இஸ்ரேல் போரை எதிா்கொண்டு வரும் நிலையில் இஸ்ரேல் தூதா் ராமா் கோயிலுக்கு சென்றது கூடுதல் முக்கியத்துவம் பெற்றுள்ளது.

முன்னதாக, அவா் உத்தர பிரதேச முதல்வா் யோகி ஆதித்யநாத்தையும் சந்தித்துப் பேசினாா். அப்போது உத்தர பிரதேசத்தில் இஸ்ரேல் முதலீடு செய்வது குறித்து ஆலோசிக்கப்பட்டது.

தொடா்ந்து ராமா் கோயிலுக்குச் சென்று பாா்வையிட்ட ருவன் செய்தியாளா்களிடம் கூறியதாவது:

இந்த கோயில் பிரம்மிக்க வைக்கும் வகையில் கட்டப்பட்டுள்ளது. நுணுக்கமான கலை வேலைப்பாடுகள் கோயிலில் அமைந்துள்ளன.

இஸ்ரேல், இந்தியா ஆகிய இரு நாடுகளுமே தங்கள் தொன்மையான கலாசாரம், ஆன்மிக நம்பிக்கையில் மிகுந்த ஈடுபாடு கொண்டவை. ராமா் கோயிலுக்கு வந்ததை பெருமைக்குரிய விஷயமாக கருதுகிறேன். நாள்தோறும் ஆயிரக்கணக்கான பக்தா்கள் இங்கு வந்து வழிபடுகிறாா்கள். இதன் மூலம் கோயிலின் ஆன்மிக முக்கியத்துவத்தை புரிந்து கொள்ள முடிகிறது.

ஆன்மிக நம்பிக்கை என்பது அனைவருக்கும் முக்கியமானது. இந்தியாவின் அடையாளமாக ஆன்மிகம் திகழ்கிறது. இந்தியாவில் தூதராகப் பணியாற்றுவதால் நாட்டு மக்களைப் பற்றியும், அவா்களின் கலாசாரத் தொன்மையையும் அறிந்து கொள்வது முக்கியமானது. எனது மனைவியையும் கோயிலுக்கு அழைத்து வந்துள்ளேன் என்றாா்.