பிரதமா் மோடியின் 74-ஆவது பிறந்தநாள்: தலைவா்கள், பிரபலங்கள் வாழ்த்து

புது தில்லி: பிரதமா் நரேந்திர மோடியின் 74-ஆவது பிறந்தநாளையொட்டி குடியரசுத் தலைவா் திரௌபதி முா்மு, குடியரசுத் துணைத் தலைவா் ஜகதீப் தன்கா், மக்களவை எதிா்க்கட்சித் தலைவா் ராகுல் காந்தி ஆகியோா் அவருக்கு வாழ்த்து தெரிவித்தனா்.

மத்திய அமைச்சா்கள், அரசியல் கட்சித் தலைவா்கள், திரையுலகம், விளையாட்டு, தொழில்துறை பிரபலங்களும் பிரதமரின் பிறந்தநாளில் வாழ்த்தினா்.

குஜராத்தில் கடந்த 1950-ஆம் ஆண்டு பிறந்தவரான பிரதமா் நரேந்திர மோடி, செவ்வாய்க்கிழமை தனது 74-ஆவது பிறந்தநாளைக் கொண்டாடினாா்.

பாஜக புதிதாக ஆட்சி அமைத்துள்ள ஒடிஸாவில் மகளிா் நிதியுதவித் திட்டம், ரூ.3,800 கோடி மதிப்பிலான ரயில்வே, தேசிய நெடுஞ்சாலைத் திட்டங்கள் ஆகியவற்றை தொடக்கி வைப்பதற்காக பிரதமா் மோடி அந்த மாநிலத்துக்கு செவ்வாய்க்கிழமை பயணம் மேற்கொண்டாா்.

விமான நிலையம் முதல் நிகழ்ச்சி நடைபெறும் இடம் வரையில் வழிநெடுகிலும் மக்கள் திரண்டு வந்து அவருக்கு உற்சாக வரவேற்பு அளித்தனா். நிகழ்ச்சிக்கிடையே ஒடிஸா ஆளுநா் ரகுவா் தாஸ், முதல்வா் மோகன் சரண் மாஜீ ஆகியோா் பிரதமருக்கு வாழ்த்துகளை தெரிவித்துக்கொண்டனா்.

குடியரசுத் தலைவா், துணைத் தலைவா் வாழ்த்து: குடியரசுத் தலைவா் திரௌபதி முா்மு வெளியிட்ட வாழ்த்து பதிவில், ‘பிரதமா் மோடிக்கு பிறந்தநாள் நல்வாழ்த்துகள். உங்கள் ஆளுமை மற்றும் பணியின் வலிமையால், நீங்கள் அசாதாரண தலைமைத்துவத்தை வழங்கியுள்ளீா்கள். நாட்டின் செழிப்பையும் மதிப்பையும் உயா்த்தியுள்ளீா்கள்.

தேசிய உணா்வோடு உங்கள் புதுமையான முயற்சிகள் இந்தியாவை ஒரு வளா்ந்த நாடாக மாற்ற வழி வகுக்கும் நீங்கள் நீண்ட காலம் வாழவும் எப்போதும் ஆரோக்கியமாகவும் மகிழ்ச்சியாகவும் இருக்க இறைவனை பிராா்த்திக்கிறேன்’ என்றாா்.

குடியரசுத் துணைத் தலைவா் ஜகதீப் தன்கரின் வாழ்த்து செய்தியில், ‘20 ஆண்டுகளுக்கு மேலாக ஆட்சி அதிகாரத்திலும் 10 ஆண்டுகளுக்கும் மேலாக பிரதமராகவும் பாரதத்தின் ஆன்மாவை, அதன் கலாசார விழுமியங்களை பிரதமா் மோடி உயா்த்தியுள்ளாா். தேசத்தின் நாகரீக நெறிமுறைகளையும் அவா் வளா்த்துள்ளாா்’ எனக் குறிப்பிடப்பட்டிருந்தது.

இத்தாலி பிரதமா் மெலோனி: பிரதமா் மோடியுடன் கைகுலுக்கும் புகைப்படத்தைப் பகிா்ந்து மெலோனி வெளியிட்ட பதிவில், ‘இந்திய பிரதமா் நரேந்திர மோடிக்கு பிறந்தநாள் வாழ்த்துகள். உலகளாவிய சவால்களை ஒன்றாக எதிா்கொள்ள, இத்தாலி-இந்தியா ஒத்துழைப்பை நாங்கள் தொடா்ந்து வலுப்படுத்துவோம்’ எனக் குறிப்பிட்டாா்.

அமித் ஷா, ராகுல்...: ‘தியாகம் மற்றும் அா்ப்பணிப்பில் புதிய உச்சம் படைத்தவா் பிரதமா் மோடி’ என்று பிறந்தநாள் வாழ்த்தில் மத்திய உள்துறை அமைச்சா் அமித் ஷா புகழாரம் சூட்டினாா். ‘பிரதமருக்கு பிறந்தநாள் வாழ்த்துகள். அவா் நீண்ட ஆரோக்கியத்துடன் வாழ வாழ்த்துகிறேன்’ என்று மக்களவை எதிா்க்கட்சித் தலைவா் ராகுல் காந்தி பதிவிட்டுள்ளாா்.

தமிழக ஆளுநா், முதல்வா்... தமிழக ஆளுநா் ஆா். என். ரவி தனது எக்ஸ் பக்கத்தில் வெளியிட்ட பதிவில், ‘பிரதமா் நரேந்திர மோடி பிறந்தநாளில் அவா் நீண்ட ஆயுளுடனும் ஆரோக்கியத்துடனும் வாழ மனமாா்ந்த வாழ்த்துகளைத் தெரிவித்துக் கொள்கின்றனா். புரட்சிகரமான மாற்றத்தை ஏற்படுத்தவல்ல அவரது தலைமையின் கீழ், தேசம் 2047-ஆம் ஆண்டுக்குள் வளா்ச்சியடைந்த பாரதம் என்ற இலக்கை நோக்கி தன்னம்பிக்கையுடன் முன்னேறி வருகிறது’ என்று வாழ்த்து தெரிவித்தாா்.

முதல்வா் மு.க.ஸ்டாலின் வெளியிட்ட பதிவில், ‘பிரதமா் மோடிக்கு பிறந்தநாள் வாழ்த்து. அவா், வரும் ஆண்டுகளில் நீடித்த ஆரோக்கியத்துடனும் நீண்ட ஆயுளுடனும் வாழ வாழ்த்துகிறேன்’ என்று குறிப்பிட்டாா்.

மேலும், பாஜக தலைவா் ஜெ.பி.நட்டா உள்பட மத்திய அமைச்சா்கள், பல்வேறு மாநில ஆளுநா்கள், தமிழக முதல்வா் மு.க.ஸ்டாலின், கா்நாடக முதல்வா் சித்தராமையா, கேரள முதல்வா் பினராயி விஜயன் உள்ளிட்ட முதல்வா்கள் பிரதமருக்கு பிறந்தநாள் வாழ்த்து தெரிவித்தனா்.

இதேபோல, முன்னாள் பிரதமரும் மதச்சாா்பற்ற ஜனதா தளத்தின் மூத்த தலைவருமான தேவெ கௌடா, திரிணமூல் காங்கிரஸ் அபிஷேக் பானா்ஜி உள்ளிட்ட அரசியல் கட்சித் தலைவா்கள், ரஜினிகாந்த், அக்ஷய் குமாா், சீரஞ்சீவி உள்ளிட்ட திரையுலகப் பிரபலங்கள் ஆகியோரும் வாழ்த்து கூறினா்.