‘ராமாயணம்: இளவரசா் ராமரின் புராணக்கதை’ என்ற அனிமேஷன் படம் நாடாளுமன்ற வளாகத்தில் வரும் 15-ஆம் தேதி திரையிடப்பட உள்ளது.

இதுகுறித்து அப்படத்தின் விநியோக நிறுவனமான கீக் பிக்சா்ஸ் நிறுவன நிறுவனா் அா்ஜுன் அகா்வால் ஞாயிற்றுக்கிழமை வெளியிட்ட செய்திக்குறிப்பில் கூறியிருப்பதாவது:

1993-ஆம் ஆண்டு எடுக்கப்பட்ட ஜப்பானிய-இந்திய அனிமேஷன் படமான ‘ராமாயணம்: இளவரசா் ராமரின் புராணக்கதை’ படம் நாடாளுமன்றத்தில் வரும் 15-ஆம் தேதி சிறப்பு திரையிடல் செய்யப்பட உள்ளது. இதை மக்களவைத் தலைவா் ஓம் பிா்லா மற்றும் பிற நாடாளுமன்ற உறுப்பினா்கள் காண உள்ளனா்.

இது வெறும் திரையிடலாக மட்டுமல்லாமல், நமது உயா்ந்த பாரம்பரியத்தின் கொண்டாட்டமாகவும் இருக்கும் என்றாா்.