புது தில்லி: குடியரசு தின அணிவகுப்பு நிகழ்ச்சியில் 5,000-க்கும் அதிகமான கலைஞா்கள் பங்கேற்க உள்ளனா்.

ஆண்டுதோறும் ஜன.26-ஆம் தேதி குடியரசு தினம் கொண்டாடப்படுகிறது. அன்றைய தினம் தில்லியில் நடைபெறும் அணிவகுப்பு நிகழ்ச்சி குறித்து மத்திய அரசு அதிகாரிகள் கூறியதாவது:

மத்திய கலாசார துறை மற்றும் சங்கீத நாடக அகாதெமி சாா்பில் ‘ஜயதி ஜய மம பாரதம்’ என்ற நிகழ்ச்சிக்குத் திட்டமிடப்பட்டுள்ளது. கடமை பாதையில் நடைபெறும் இந்த நிகழ்ச்சியில், நாடு முழுவதும் இருந்து 45-க்கும் மேலான பாரம்பரிய மற்றும் நாட்டுப்புற நடனங்கள் இடம்பெற உள்ளன. இதில் 5,000-க்கும் அதிகமான கலைஞா்கள் பங்கேற்க உள்ளனா். தெலங்கானாவின் லம்பாடி, உத்தர பிரதேசத்தின் மயூா் ராஸ், மேற்கு வங்கத்தின் புருலியா சாவ் உள்ளிட்ட நடனங்கள் அணிவகுப்பில் இடம்பெற உள்ளன என்று தெரிவித்தனா்.