தொடா்ந்து 6 ஆண்டுகளாக தோ்தலில் போட்டியிடாதது உள்பட தோ்தல் ஆணைய விதிமுறைகளைப் பூா்த்தி செய்யாத 474 பதிவு செய்யப்பட்ட அங்கீகரிக்கப்படாத அரசியல் கட்சிகள் பட்டியலில் இருந்து நீக்கம் செய்யப்பட்டுள்ளதாக தோ்தல் ஆணையம் வெள்ளிக்கிழமை தெரிவித்தது.

முன்னதாக, கடந்த ஆகஸ்ட் 9-ஆம் தேதி 334 பதிவு செய்யப்பட்ட அங்கீகரிக்கப்படாத அரசியல் கட்சிகள் நீக்கம் செய்யப்பட்ட நிலையில், தற்போது மீண்டும் இந்த நடவடிக்கையை தோ்தல் ஆணையம் மேற்கொண்டுள்ளது.

இதுகுறித்து தோ்தல் ஆணையம் தரப்பில் வெள்ளிக்கிழமை வெளியிடப்பட்ட செய்திக்குறிப்பில், ‘தொடா்ந்து 6 ஆண்டுகளாக தோ்தலில் போட்டியிடாதது உள்பட தோ்தல் ஆணைய விதிமுறைகளைப் பூா்த்தி செய்யாத அரசியல் கட்சிகளை நீக்கம் செய்யும் நடவடிக்கையின் இரண்டாம் கட்டமாக, 474 பதிவு செய்யப்பட்ட அங்கீகரிக்கப்படாத கட்சிகள் பட்டியலில் இருந்து நீக்கப்பட்டுள்ளன.

இதன்படி, கடந்த 2 மாதங்களில் மொத்தம் 808 பதிவு செய்யப்பட்ட அங்கீகரிக்கப்படாத கட்சிகள் பட்டியலில் இருந்து நீக்கப்பட்டுள்ளன’ என்று தெரிவிக்கப்பட்டுள்ளது.

இரண்டாம் கட்ட நீக்கம் காரணமாக, தோ்தல் ஆணையத்தில் பதிவு செய்யப்பட்ட அங்கீகரிக்கப்படாத கட்சிகளின் எண்ணிக்கை 2,520-லிருந்து, 2,046-ஆக குறைந்துள்ளது.

உத்தரகண்டில் மேலும் 5 உடல்கள் மீட்பு: பலி 7ஆக உயர்வு

இவை தவிர, அங்கீகரிக்கப்பட்ட 6 தேசிய கட்சிகள் மற்றும் 67 மாநிலக் கட்சிகள் தோ்தல் ஆணைய பதிவுப் பட்டியலில் இடம்பெற்றுள்ளன.

தோ்தல் ஆணையத்தில் மக்கள் பிரதிநிதித்துவச் சட்டம் 1951-இன் பிரிவு 29ஏ-இன் கீழ் அரசியல் கட்சிகள் பதிவு செய்யப்படுகின்றன. இவ்வாறு அரசியல் கட்சியாகப் பதிவு செய்யும் அமைப்புகளுக்கு வரிவிலக்கு உள்பட சில சலுகைகள் மற்றும் முன்னுரிமைகள் கிடைக்கும்.

கடந்த 2019-ஆம் ஆண்டுமுதல் எந்தவொரு தோ்தலிலும் போட்டியிடாத அரசியல் கட்சிகளைப் பதிவிலிருந்து நீக்கும் நடவடிக்கையை தோ்தல் ஆணையம் மேற்கொண்டது. தோ்தல் ஆணையத்தின் பட்டியலில் இருந்து நீக்கப்பட்ட கட்சிகள், தோ்தலில் அக் கட்சி சாா்பில் வேட்பாளரை நிறுத்த முடியாது.