தேனி மாவட்ட வேலைவாய்ப்பு அலுவலகத்தில் பதிவு விவரம் சரிபார்ப்பு

தேனி மாவட்ட வேலைவாய்ப்பு அலுவலகத்தில், எழுது பொருள் மற்றும் அச்சுத் துறையில் காலியாக உள்ள பேஸ்ட் ஆப் ஆர்டிஸ்ட் பணியிடத்துக்கு வேலைவாய்ப்பு அலுவலக பதிவுதாரர்களின் விபரம் சரிபார்க்கும் பணி ஆக.19-ம் தேதி நடைபெற உள்ளது.

இது குறித்து மாவட்ட நிர்வாகம் வெளியிட்டுள்ள அறிவிப்பு:

எழுது பொருள் மற்றும் அச்சுத் துறையில் காலியாக உள்ள பேஸ்ட் ஆப் ஆர்டிஸ்ட் பணியிடத்துக்கு மாநில அளவிலான வேலை வாய்ப்பு பரிந்துரை பட்டியல் தயாரிக்கப்பட்டு வருகிறது. இப் பணியிடத்துக்கு டெஸ்க் டாப் பப்ளிஸிங் படிப்பில் என்.டி.சி., சான்று பெற்று வேலை வாய்ப்பு அலுவலகத்தில் பதிவு செய்திருக்க வேண்டும்.

தகுதியுள்ள பதிவுதாரர்களை பரிந்து செய்வதற்கு வாய்ப்பாக, அனைத்து  அனைத்து பதிவுதாரர்களின் விபரங்களும் சரிபார்க்கப்பட உள்ளது. டெஸ்க் டாப் பப்ளிஸிங் படிப்பில் என்.டி.சி., சான்று பெற்று மாவட்ட வேலை வாய்ப்பு அலுவலகத்தில் பதிவு செய்துள்ள அனைத்து பதிவுதாரர்களும், உரிய சான்றிதழ்களுடன் ஆக.19-ம் தேதி மாவட்ட வேலை வாய்ப்பு அலுவலகத்துக்கு நேரில் சென்று பதிவு விபரத்தை சரிபார்த்துக் கொள்ளலாம் என்று அறிவிக்கப்பட்டுள்ளது.