உடுமலை அருகே மாணவியை பலாத்காரம் செய்த பெயிண்டர் கைது: மாணவி தீக்குளிக்க முயற்சி

உடுமலை அருகே பள்ளி மாணவியை பள்ளி செல்லும் வழியில் மறித்து சைக்கிளில் கொண்டு சென்ற நபர் அவரை பலாத்காரம் செய்ய முயன்றார். இந்த அவமானத்தால் மாணவி தீக்குளிக்க முயன்றார்.

உடுமலை அருகே எஸ்விபுரம் பகுதியில் வாய்க்கால் மேடு அருகே உள்ள வீட்டில் இருந்து இன்று காலை பள்ளி செல்லக் கிளம்பினார் 7ம் வகுப்பு படிக்கும் மாணவி. அவர் சாலையில் சைக்கிளில் வந்தபோது, நாகராஜ் (43) என்ற பெயிண்டர் அவரை வழிமறித்து, அவரது சைக்கிளிலேயே ஏறி, அருகே இருந்த வீட்டுக்கு தூக்கிச் சென்றுள்ளார். அங்கே அந்த மாணவியை பலாத்காரம் செய்ய முயற்சி செய்துள்ளார். இதனைக் கண்ட ஒருவர், வீட்டைப் பூட்டிவிட்டு, அருகில் இருந்தவர்களுக்கு தகவல் கொடுத்தார். இதற்கிடையில் நாகராஜ் அங்கிருந்து தப்ப முயற்சி செய்தார். ஆனால், அக்கம்பக்கத்தினர் வந்து நாகராஜைப் பிடித்து போலீஸில் ஒப்படைத்தனர்.

அந்த மாணவி பெற்றோரிடம் ஒப்படைக்கப்பட்டார். ஆனால், சிறிது நேரத்தில் அவமானம் தாங்காமல் மண்ணெண்ணெய் ஊற்றி தீக்குளிக்க முயன்றார். அவர் காப்பாற்றப்பட்டு அரசு மருத்துவமனையில் சேர்க்கப்பட்டார். இது குறித்து ஆர்டிஓ விசாரணை நடத்தப்பட்டு வருகிறது.