மதுரை: காதல் தகராறில் மாணவருக்கு வெட்டு

மதுரையில், காதல் தகராறு காரணமாக கல்லூரி மாணவருக்கு அரிவாள் வெட்டு விழுந்துள்ளது.

மதுரையில், பாண்டிகோயில் அருகே கல்லூரிக்குச் சென்ற மாணவருக்கு சரமாரி வெட்டு விழுந்தது. உடனடியாக அவர் மதுரை அரசு மருத்துவமனையில் அனுமதிக்கப்பட்டார். அங்கு அவர் கவலைக்கிடமான நிலையில் சிகிச்சை பெற்று வருகிறார்.

இது குறித்து வழக்குப் பதிவு செய்துள்ள காவல்துறையினர் விசாரித்து வருகின்றனர். காதல் தகராறில் இந்த சம்பவம் நடந்திருப்பது தெரிய வந்துள்ளது.