விம்பிள்டன்: தகுதிச்சுற்றோடு வெளியேறினார் சோம்தேவ்

விம்பிள்டன் டென்னிஸ் போட்டியின் தகுதிச்சுற்றில் இந்தியாவின் சோம்தேவ், தோல்வி கண்டு போட்டியிலிருந்து வெளியேறினார்.

இன்று நடைபெற்ற தகுதிச்சுற்றின் முதல் ஆட்டத்தில் சோம்தேவ் 6-7 (4), 6-4, 16-18 என்ற செட் கணக்கில் ஆஸ்திரேலியாவின் மட் ரெய்டிடம் அதிர்ச்சி தோல்வி கண்டார்.இதனால் பிரதான சுற்றுக்கு முன்னேறும் வாய்ப்பை இழந்தார் அவர். விம்பிள்டன் ஆடவர் ஒற்றையர் பிரிவில் இந்தியாவின் சார்பில் சோம்தேவ் பங்கேற்பார் என்று எதிர்பார்க்கப்பட்டது. ஆனால் அவரும் தோல்வி கண்டதால், ஒற்றையர் பிரிவில் இந்தியாவின் கனவு முடிவுக்கு வந்தது.