ஸ்ரீவில்லிபுத்தூர் அரிமா ம.பொன்னையா யோகாசன சங்கம் சார்பில், விருதுநகர் மாவட்ட 16-வது யோகாசன சாம்பியன்ஷிப் போட்டி, ஸ்ரீவில்லிபுத்தூர் லயன்ஸ் மெட்ரிக்குலேஷன் மேல்நிலைப் பள்ளியில் ஞாயிற்றுக்கிழமை நடைபெற்றது.

நிகழ்ச்சிக்கு ஸ்ரீவில்லிபுத்தூர் அரிமா சங்கத் தலைவர் ரஞ்சித், டாக்டர் ஜி.கோதண்டராமன் ஆகியோர் தலைமை தாங்கினர்.

ஒருங்கிணைப்பாளர் வழக்குரைஞர் கே.அய்யலுசாமி முன்னிலையில், சங்கத்தின் தலைவர் பொ.மரக்கண்ணு குத்துவிளக்கேற்றி போட்டியைத் தொடங்கி வைத்தார். கலசலிங்கம் பல்கலைக்கழக பேராசிரியர் எஸ்.ஆர்.ஸ்ரீகுமார், லயன்ஸ் மேல்நிலைப் பள்ளி முதல்வர் ஏ.சுதாகரன் ஆகியோர் வாழ்த்துரை வழங்கினர்.

போட்டியில் மாவட்டம் முழுவதும் இருந்தும் 540 மாணவ மாணவியரும், 25 வயது முதல் 107 வயது வரை உள்ள பொதுமக்களும் கலந்து கொண்டனர். 107 வயதுள்ள நெசவுத் தொழிலாளர் கே.குருசாமி போட்டியில் கலந்து கொண்டு முதல் பரிசைப் பெற்றார். இவருக்கு மாவட்ட தலைவர் அம்பாள் ஆர்.முத்துமணி பரிசு வழங்கினார்.

அதிக அளவு போட்டியில் பங்கேற்ற ஸ்ரீவில்லிபுத்தூர் லயன்ஸ் மெட்ரிக்குலேஷன் மேல்நிலைப் பள்ளிக்கு சுழற்கோப்பை வழங்கப்பட்டது. அதிக புள்ளிகள் பெற்று சாம்பியன்ஷிப் கோப்பையை ஆண்கள் பிரிவில் விருதுநககர் கே.வி.எஸ். மெட்ரிக்லேஷன் மேல்நிலைப் பள்ளியும், பெண்கள் பிரிவுில் விருதுநகர் பி.எஸ்.சிதம்பர நாடார் சீனியர் ஆங்கிலப் பள்ளியும் பெற்றன.

இவர்களுக்கு இண்டர்நேஷனல் யோகா பெடரேசன் உதவிச் செயலாளரும், அகில இந்திய யோகா பெடரேசன் செயலாளருமான யோகிராஜ் என்.ராமலிங்கம் பரிசுகளை வழங்கினார். போட்டிக்கான ஏற்பாடுகளை ஒருங்கிணைப்பாளர் கே.அய்யலுசாமி, தலைவர் பொ.மரக்கண்ணு ஆகியோர் செய்திருந்தனர்.