திமுக தலைவர் கருணாநிதி விரைவில் குணமடைய வாழ்த்துவதாக தமிழக பாஜக தலைவர் தமிழிசை சவுந்தரராஜன் தெரிவித்துள்ளார்.

இதுகுறித்து அவர் இன்று விடுத்துள்ள செய்தியில், திமுக தலைவர் கருணாநிதி ஒவ்வாமை பிரச்னையால் உடல் நலம் பாதிப்படைந்தார் என்று கேள்விப்பட்டு மிகவும் மன வேதனை அடைந்தேன். அவர் பூரண குணமடைந்து அவரது இயக்க பணியையும், அரசியல் பணியையும் விரைவில் மேற்கொள்ள வேண்டும் என்று இறைவனை பிராத்திக்கிறேன். இவ்வாறு அவர் கூறியுள்ளார்.

திமுக தலைவர் கருணாநிதிக்கு ஒவ்வாமை காரணமாக கடந்த சில நாட்களாக உடல் நலம் பாதிக்கப்பட்டுள்ளதாக அக்கட்சி நேற்று வெளியிட்டுள்ள அறிக்கையில் தெரிவித்திருந்தது குறிப்பிடத்தக்கது.