சில்லறை பணவீக்கம் 5.07 சதவீதமாக குறைவு

ஜனவரி மாதத்திற்கான சில்லறை பணவீக்கம் 5.07 சதவீதமாக குறைந்துள்ளது என மத்திய புள்ளியியல் அலுவலகம் வெளியிட்டுள்ள புள்ளி விவரத்தில் தெரிவிக்கப்பட்டுள்ளது. 

2018-ம் ஆண்டு ஜனவரி மாதத்துக்கான நுகர்வோர் விலை குறியீட்டு அடிப்படையிலான பணவீக்கத்தையும் மத்திய புள்ளியியல் அலுவலகம் வெளியிட்டது. அதன்படி, நுகர்வோர் பொருட்களின் விலை உணவு மற்றும் பானங்கள் 4.58%, பான், புகையிலை & நச்சுத்தன்மை 7.58%, ஆடை மற்றும் காலணி 4.94% ஆக உள்ளது. 

சில்லறை பணவீக்கம் கடந்த 2017ம் ஆண்டு டிசம்பர் மாதத்தில் 5.21 சதவீதமாக இருந்தது. நுகர்வோர் உணவு விலை குறியீட்டெண் (CFPI) கடந்த மாதத்தில் 4.70% ஆக இருந்தது, ஆனால் ஜனவரி 2018 ல் 0.61% அதிகரித்து 4.96% ஆக உள்ளது. 

கடந்த மாதத்தில் பழங்கள் விலைகள் 6.24 சதவீதமாக குறைந்தன. முந்தைய மாதத்தில் இது 6.63 சதவீதமாக இருந்தது. கடந்த ஆண்டு ஜனவரி மாதத்தில் நுகர்வோர் விலை குறியீட்டு பணவீக்கம் 3.17 சதவீதமாக இருந்தது என்பது குறிப்பிடத்தக்கது.