இந்திய எல்லைக்குள் நுழைந்தவர்கள் பாதுகாப்புப் படையால் சுட்டுக் கொலை

பஞ்சாபில் உள்ள எல்லைப் பகுதியில் பாகிஸ்தானில் இருந்து இந்திய எல்லைக்குள் இன்று காலை நுழைய முயன்ற 5 பேர் எல்லைப் பாதுகாப்புப் படையால் சுட்டுக்கொலை செய்யப்பட்டனர்.

இதுகுறித்து எல்லைப் பாதுகாப்புப் படையினர் கூறுகையில்,

டர்ன் டரன் இந்திய-பாகிஸ்தான் எல்லைப் பகுதியில் 103 வது பிரிவின் எல்லைப் பாதுகாப்புப் படையினரின் கண்காணிப்பு பகுதியில் ஆள் நடமாட்டம் காணப்பட்டது.

அப்பகுதியில் தடையை மீறி 5 பேர் பாகிஸ்தான் எல்லை பகுதியில் இருந்து இந்திய பகுதியில் நுழைய முயன்றனர். அதைக் கண்ட எல்லைப் பாதுகாப்புப் படை வீரர்கள் அவர்களை சுட்டுக் கொன்றனர்.

மேலும், அவர்களிடமிருந்து துப்பாக்கிகள் கைப்பற்றப்பட்டுள்ளது என தெரிவித்தனர்.