உலக அளவில் கரோனா பாதித்தோரின் எண்ணிக்கை 61 லட்சத்தை கடந்தது

மேரிலாந்து: உலக அளவில் கரோனா தொற்று உறுதிப்படுத்தப்பட்டவர்களின் எண்ணிக்கை 61 லட்சத்தை தாண்டியுள்ளது.

இதுகுறித்து ஜான்ஸ் ஹாப்கின்ஸ் பல்கலைக்கழகம் வெளியிட்டுள்ள அறிக்கையில், உலக அளவில் கரோனா தொற்று உறுதிப்படுத்தப்பட்டோரின் எண்ணிக்கை 61,60,443 ஆக அதிகரித்துள்ளது. தொற்று பாதிப்பு தொடங்கியதில் இருந்து குணமடைந்தோரின் எண்ணிக்கை 27,38,305 ஆக உயர்ந்துள்ளது. பலியானோரின் எண்ணிக்கை 3,71,007 ஆக அதிகரித்துள்ளது.

அமெரிக்காவில் கடந்த 24 மணி நேரத்தில் 23,300 பேருக்கு புதிதாக தொற்று உறுதி செய்யப்பட்டுள்ளது. இதையடுத்து தொற்று உறுதிப்படுத்தப்பட்டோரின் எண்ணிக்கை 18,16,820 ஆக அதிகரித்து உள்ளது. ஆயிரத்துக்கும் மேற்பட்டோர் பலியாகியுள்ளனர். இது பலியானோரின் எண்ணிக்கை 1,05,557 ஆக உயர்ந்துள்ளது. தொற்று பாதிப்பில் இருந்து 5,35,238 பேர் குணமடைந்துள்ளனர். தொற்று பாதிப்புக்கு சிகிச்சை பெற்று வரும் 11,76,025 பேர்களில் 17,163 பேரின் நிலைமை கவலைக்கிடமாக உள்ளது.