வெளியிலிருந்து வரும் பாஜகவினரால் தான் கரோனா அதிகரிப்பு: மம்தா குற்றச்சாட்டு

வெளி மாநிலங்களிலிருந்து கரோனா பரிசோதனை செய்யாமல் வரும் பாஜகவினரால் தான் மேற்குவங்கத்தில் கரோனா அதிகரித்துள்ளதாக முதல்வர் மம்தா பானர்ஜி குற்றம்சாட்டியுள்ளார்.

மேற்கு வங்கத்தில் மார்ச் 27ஆம் தேதி முதல் 8 கட்டங்களாக தேர்தல் நடைபெற்று வருகின்றது. இந்நிலையில், நாடு முழுவதும் கரோனா பரவல் அதிகரித்து வரும் சூழலில், மேற்கு வங்கத்தில் மட்டும் நாள்தோறும் 6 ஆயிரம் பேர் பாதிக்கப்பட்டு வருகின்றனர்.

இதுகுறித்து நோபாரா பிரசாரத்தில் மம்தா பேசியது,

தேர்தல் பிரசாரத்திற்காக வெளி மாநிலங்களிலிருந்து பரிசோதனை செய்யாமல் பாஜகவினரை அழைத்து வந்ததால், கடந்த 5 மாதங்களாக இல்லாத கரோனா தொற்று தற்போது அதிகரித்துள்ளது.

வெளியில் இருந்து வருபவர்கள் பரப்பும் கரோனாவால் எங்கள் மக்கள் பலியானால், அதற்கும் எங்களை குறை கூறுவார்கள் எனத் தெரிவித்துள்ளார்.