தமிழகத்திற்கு இன்று 4.20 லட்சம் தடுப்பூசிகள் வருகை

தமிழகத்திற்கு இன்று மாலை 4.20 லட்சம் கரோனா தடுப்பூசிகள் வரவுள்ளதாக மருத்துவத்துறை தெரிவித்துள்ளது.

மாநிலம் முழுவதும் கரோனா தடுப்பூசிக்கு கடும் தட்டுப்பாடு ஏற்பட்ட நிலையில் நாளைமுதல் ஏப்ரல் 5ஆம் தேதி வரை தடுப்பூசி போடுவதில் சிக்கல் உள்ளதாக தெரிவிக்கப்பட்டது.

இந்நிலையில் இன்று மாலை 4.20 கோவிஷீல்டு தடுப்பூசிகள் சென்னை வரவுள்ளதாக மருத்துவத்துறை தெரிவித்துள்ளது.

இதுகுறித்து மருத்துவத்துறை தரப்பில் தெரிவித்திருப்பது,

இன்று மாலை 5 மணிக்கு 4,20,570 டோஸ் கோவிஷீல்டு தடுப்பூசிகள் சென்னை வரவுள்ளன. தடுப்பூசி வந்தவுடன் அனைத்து மாவட்டங்களுக்கும் உடனடியாக அனுப்பிவைக்க முடிவு செய்யப்பட்டுள்ளதாக தெரிவித்துள்ளனர்.