லடாக் மக்களவைத் தொகுதியில் போட்டியிட்ட சுயேச்சை வேட்பாளர் போட்டியிட்ட முகமது ஹனீபா, காங்கிரஸைவிட 28,000 வாக்குகள் முன்னிலை பெற்றுள்ளார்.

சுயேச்சை வேட்பாளர் முகமது ஹனீபா 60,365 வாக்குகளும், காங்கிரஸ் வேட்பாளர் செரிங் நம்கியால் 32,195 வாக்குகளும், பாஜகவின் தாஷி கியால்சன் 24,953 வாக்குகளும் பெற்றுள்ளனர்.

லடாக் மக்களவைத் டொகுதியில் 2014 , 2019 ஆம் ஆண்டில் பாஜக வெற்றி பெற்றது. காங்கிரஸ் அதிகபட்சமாக ஆறு முறை வெற்றி பெற்றுள்ளது.

காங்கிரஸ் வேட்பாளராக நம்கியாலை நிறுத்திய பிறகு, முன்னாள் தேசிய மாநாட்டுத் தலைவரான முகமது ஹனீபா, சுயேச்சையாகப் போட்டியிடுவதற்காக அக்கட்சியிலிருந்து விலகி போட்டியிட்டார். ஷியா முஸ்லீம்கள் ஆதிக்கம் செலுத்தும் கார்கில் பகுதியில் இவர் மட்டுமே போட்டியிடுகிறார்.

2019 ஆம் ஆண்டில் ஜம்மு-காஷ்மீரில் இருந்து பிரித்து யூனியன் பிரதேச அந்தஸ்து வழங்கப்பட்ட பிறகு லடாக் பகுதியில் நடைபெறும் முதல் பெரிய தேர்தல் இதுவாகும்.

மொத்தமுள்ள 543 மக்களவைத் தொகுதிகளில் 6 சுயேச்சை வேட்பாளர்கள் முன்னிலையில் உள்ளனர்.