பல பெண்களை பாலியல் வன்கொடுமை செய்த குற்றச்சாட்டை எதிர்கொண்டு இடைநீக்கம் செய்யப்பட்ட மதச்சார்பற்ற ஜனதா தள எம்பி பிரஜ்வல் ரேவண்ணா, ஹாசன் மக்களவைத் தொகுதியில் 35,000 வாக்குகள் பின்னடைவில் உள்ளார்.

மதியம் 1 மணி நிலவரப்படி, ஹாசன் தொகுதியில் காங்கிரஸ் வேட்பாளர் ஷ்ரேயாஸ் எம் படேல் 5,99,832 வாக்குகளும், பாஜக கூட்டணியான மதச்சார்பற்ற ஜனதா தள வேட்பாளர் பிரஜ்வல் ரேவண்ணா 5,67,886 வாக்குகளும் பெற்றுள்ளனர்.

தேசிய ஜனநாயகக் கூட்டணி வேட்பாளராக ஜேடி(எஸ்) கட்சித் தலைவர் தேவகவுடாவின் பேரன் பிரஜ்வல் ரேவண்ணா போட்டியிட்டார்.

பெண்களை பாலியல் ரீதியாக வன்கொடுமை செய்த குற்றத்துக்காக ஏப்ரல் 26 ஆம் தேதி கட்சியில் இருந்து சஸ்பெண்ட் செய்யப்பட்டார்.

அவர் தற்போது கைது செய்யப்பட்டு சிறப்பு புலனாய்வுக் குழுவின் (எஸ்ஐடி) காவலில் உள்ளார்.