விஜய் தலைமையில் தமிழக வெற்றிக் கழகத்தின் செயற்குழுக் கூட்டம் தொடங்கி நடைபெற்று வருகிறது.

கட்சியின் அடுத்தகட்ட நகர்வு தொடர்பாக ஆலோசனை செய்வதற்காக, பனையூரில் உள்ள அக்கட்சியின் தலைமை அலுவலகத்தில் கட்சியின் தலைவர் விஜய் தலைமையில் நடைபெற்று வருகிறது.

இந்த ஆலோசனைக் கூட்டத்தில் கட்சியின் முக்கியத் தலைவர்கள் பங்கேற்று கட்சியை வலுப்படுத்துவதற்கான நடவடிக்கைகள் குறித்தும், உள்கட்டமைப்பு தொடர்பாகவும் ஆலோசனைகள் நடத்திவருவதாகக் கூறப்படுகிறது.

மேலும் ஒரே நாடு ஒரே தேர்தலுக்கு எதிர்ப்பு தெரிவித்தும், நீட் தேர்வை ரத்து செய்யக்கோரியும், மாதம் ஒருமுறை மின் கட்டண அளவீடு செய்யப்படும் என்று கூறிவிட்டு, அதை நடைமுறைப்படுத்தாமல் இருக்கும் தமிழக அரசுக்கு கண்டனம் தெரிவித்தும், தவெக செயற்குழுக் கூட்டத்தில் 20-க்கும் மேற்பட்ட தீர்மானங்கள் நிறைவேற்றப்பட்டதாகத் தகவல் தெரியவந்துள்ளது.

இதையும் படிக்க: சொல்லப் போனால்... மட்டையா, மரக்கலமா, விஜய்யின் த.வெ.க.?

தமிழக வெற்றிக் கழகத்தின் முதல் மாநாடு கடந்த வாரம் நடந்து முடிந்த நிலையில், மாநாட்டில் விஜய் பேசிய கருத்துக்கு எதிர்வினையாற்றியுள்ள அரசியல் தலைவர்களின் விமர்சனங்கள் தொடர்பாகவும் விவாதிக்கப்படவுள்ளதாகவும் தகவல்கள் தெரிவிக்கின்றன.