தமிழகத்தில் திமுகவினரும் - பாஜகவினரும் கெட் அவுட் மோடி... கெட் அவுட் ஸ்டாலின்... என்ற ஹேஷ்டேக்கை போட்டி போட்டு ட்ரெண்ட் ஆக்கி வரும் நிலையில், இந்த அபத்தமான விளையாட்டு எங்களிடம் செல்லாது ’கெட் அவுட் மோடி’ என நடிகர் பிரகாஷ் ராஜ் தெரிவித்துள்ளார்.

மும்மொழிக் கொள்கையை ஏற்றுக் கொண்டால்தான் தமிழகத்துக்கான கல்வி நிதி வழங்கப்படும் என்று மத்திய கல்வித் துறை அமைச்சர் தர்மேந்திர பிரதான் சமீபத்தில் திட்டவட்டமாக தெரிவித்திருந்தார்.

இந்த விவகாரத்தில் மத்திய அரசுக்கு எதிராக திமுக தலைவர்களும், மாநில அரசுக்கு எதிராக பாஜக தலைவர்களுக்கும் இடையே மோதல் போக்கு அதிகரித்து வருகிறது.

இந்த நிலையில், தமிழகத்தின் உரிமைகளை பறிக்க முயன்றால் ’கோ பேக் மோடி’ என்பதற்கு பதிலாக ’கெட் அவுட் மோடி’ எனத் துரத்துவோம் என்று துணை முதல்வர் உதயநிதி ஸ்டாலின் வியாழக்கிழமை தெரிவித்திருந்தார்.

தொடர்ந்து, திமுக ஊடக அணியினரின் ’கெட் அவுட் மோடி’ என்ற ஹேஷ்டேக் இந்திய அளவில் எக்ஸ் தளத்தில் டிரெண்டானது.

இதற்கு கண்டனம் தெரிவித்திருந்த பாஜக மாநிலத் தலைவர் அண்ணாமலை, வெள்ளிக்கிழமை காலை 6 மணிக்கு ‘கெட் அவுட் ஸ்டாலின்’ என்ற ஹேஷ்டேக் டிரெண்டை ரெண்டிங்கை தொடங்கி வைத்த 3 மணிநேரத்திற்குள் முதல்வர் ஸ்டாலினுக்கு எதிராக 3 லட்சத்துக்கும் அதிகமான ட்வீட்கள் பதிவிடப்பட்டுள்ளது.

மதுரை எய்ம்ஸ் முதல்கட்ட பணிகள் ஓராண்டுக்குள் நிறைவடையும்: ஹனுமந்தராவ்

இந்த நிலையில், இந்த அபத்தமான விளையாட்டு எங்களிடம் செல்லாது ’கெட் அவுட் மோடி’ என நடிகர் பிரகாஷ் ராஜ் தெரிவித்துள்ளார்.

இது தொடர்பாக அவர் எக்ஸ் பக்கத்தில் பதிவிட்டிருப்பதாவது:

உங்களுக்கு இந்தி தெரியும்.. நீங்க இந்தியில் பேசுறீங்க.. எங்களையும் இந்தியில் பேச சொல்லி கட்டாய படுத்துகிறீங்க.

ஏன்னா உங்களுக்கு இந்தி மட்டும் தான் தெரியும்.. இந்த அபத்தமான விளையாட்டு எங்களிடம் செல்லாது.. ’கெட் அவுட் மோடி’ என நடிகர் பிரகாஷ் ராஜ் தெரிவித்துள்ளார்.