நம்மூரில் காலி டிரம்கள் பெரும்பாலும் தண்ணீர் பிடித்து வைக்கத்தான் பயன்படுத்தப்பட்டு வருகின்றன. கொஞ்சமே கொஞ்சம் கிரியேட்டிவிட்டியும், ஆர்வமும், பொறுமையும் கையில் கொஞ்சம் காசும் இருந்தால் போதும், இதோ இந்த வீடியோவில் காணும் குட்டிக் குட்டி கியூட் ஐடியாக்களைக் கூட காலி டிரம்களை வைத்து செய்து பார்க்கலாம். வீட்டுக்கு பயனுள்ளதாக மாறுவதோடு அந்தப் பொருட்களின் கிரியேட்டிவிட்டிக்கு ஏற்ப நல்லதொரு செய்தொழிலும் கிடைக்கும்.

இந்தக் காணொளியில் காலி டிரம்களை வைத்து வரவேற்பறை சோஃபாக்கள், டேபிள்கள், அடுக்குப் பூந்தொட்டிகள், தந்தூரி அடுப்புகள், சி.டி, டிவிடி ரேக்குகள், கார்டன் சேர்கள், லாக்கர்கள், வார்ட் ரோப்கள், புத்தக அலமாரிகள், வாஷ்பேசின் சிங்க்குகள், மருத்துவமனை காத்திருப்பு சேர்கள்,  பார் டேபிள்கள்,  சமையலறை அலமாரிகள் எனப் பல வீட்டு உபயோகப் பொருட்களை முயன்று பார்த்திருக்கிறார்கள். பார்ப்பதற்கு அழகாக இருப்பதோடு பயனுள்ளவையாகவும் உள்ளன. ஹை ஸ்கூல் மாணவர்கள் விடுமுறை நாட்களில் இம்மாதிரியான கிரியேட்டிவ் உபகரணங்கள் செய்யும் நுட்பமான முறைகளையும் கற்றுக் கொண்டு தங்களது பெற்றோருக்கும், நண்பர்களுக்கும் இவற்றில் ஏதாவது ஒரு பொருளைத் தங்களது கைத்திறனில் உருவாக்கி பரிசளிக்கலாம். மிக அருமையான பொழுது போக்கு மட்டுமல்ல. எதிர்காலத்தில் பெரிய அளவில் வருமானமீட்டித் தரக்கூடிய தொழிலாகவும் இதை மாற்றிக் கொள்ள முடியும்.