முகநூலில் தோழி ஒருவர் ‘Nose Warmer' குறித்துப் பகிர்ந்திருந்தார். அடடே! என்று ஆச்சர்யமாக இருந்தது. இப்படி ஒரு வசதி இருப்பதே தெரியாமல் சில்லிடும் மூக்குடன் அவஸ்தைப் பட்டுக் கொண்டிருக்கிறோம் இல்லையா நம்மில் பலரும். அவர்களுக்கெல்லாம் உதவும் பொருட்டு இதை அறிமுகப்படுத்துகிறோம்.
சிலருக்கு மழை, குளிர் என்று சீதோஷ்ண நிலையில் சிறு மாற்றம் நிகழ்ந்தாலும் போதும் உடனடியாக மூக்கு சில்லிட்டுப் போகும். உடலில் வேறெந்தப் பாகமும் குளிர்கிறதோ இல்லையோ... மூக்கு மாத்திரம் தொட்டால் காஷ்மீர் குளிரில் நடுங்கிக் கொண்டிருப்பது போல சில்லிட்டுப் போயிருக்கும். அவர்கள் காரிலோ, AC பஸ்ஸிலோ பயணிக்கையில் மூக்கை உறிஞ்சிக் கொண்டே வருவார்கள், பிறகு உள்ளங்கையால் மூக்கின் நுனியை அழுத்தித் தேய்த்து விட்டுக் கொண்டே இருந்தாலன்றி அந்த சில்லிடல் மாறவே மாறாது. கடைசியில் இது கடுமையான சளித்தொல்லை அல்லது காய்ச்சலில் கொண்டு விடும். சரி இந்த நிலையை தவிர்ப்பது எப்படி என்கிறீர்களா? கூகுளில் தேடினால் அழகழகான நோஸ் வார்மர்கள் கிடைக்கின்றன. பார்க்க ஸ்கார்ஃப் போலவே இருக்கிறது. ஸ்கார்ஃப் பின்னுவதில் ஆர்வம் இருப்பவர்கள் கூகுளில் ஆர்டர் செய்யாமல் தாங்களே உல்லன் நூல் வாங்கி தங்களுக்கென எக்ஸ்க்ளூஸிவ்வாக இப்படி ஒரு நோஸ் வார்மரை பின்னி வைத்துக் கொண்டு பயன்படுத்தலாம். நண்பர்களுக்கும், உறவினர்களுக்கும் பிறந்தநாள், நட்பு நாள் என்று இதையே பரிசாகவும் அளிக்கலாம். அத்தனை பயனுள்ளதாக இருக்கக் கூடும் இந்த நோஸ் வார்மர்கள்.
கடைகளில் வாங்குவதை விட நாமே பின்னிக் கொள்ளும் போது நமக்குப் பிடித்த நிறங்களில் பிடித்த டிஸைன்களில் அழகழகான டிஸைனர் நோஸ் வார்மர்களை உருவாக்கலாம்.
கண்ணாடிப் பாத்திரங்களில் சிறு கீறல் விழுந்தால் என்ன செய்யலாம்?
சதா சர்வ காலமும் ஸ்மார்ட்ஃபோனும் கையுமாக இருக்கிறீர்களா? இது உங்களுக்கான எச்சரிக்கை ரிப்போர்ட்!
உங்கள் தங்கம், வெள்ளி, முத்து நகைகளை புத்தம் புதியதாக வைத்திருக்க இதோ சில டிப்ஸ்!
தினமணி இணையதளத்தின் ‘உங்கள் வீட்டு கொலு இன்ஸ்டாகிராம் புகைப்படப் போட்டி’ புகைப்படங்கள்
மழைக்காலத்தில் இதையெல்லாம் செய்யாதீர்கள் பெண்களே!