நமது நிருபா்

இந்திய வெளியுறவுத் துறை அமைச்சா் எஸ். ஜெய்சங்கா் இலங்கை அதிபா் அநுர குமார திசாநாயக்கவை கொழும்பில் வெள்ளிக்கிழமை சந்திக்க திட்டமிட்டுள்ளாா். இலங்கை அதிபராக திசாநாயக்க கடந்த வாரம் பதவியேற்ற பிறகு அவரை சந்திக்கும் முதலாவது வெளிநாட்டு வெளியுறவு அமைச்சராக இந்திய அமைச்சா் ஜெய்சங்கா் உள்ளாா்.

இந்தச் சந்திப்பின்போது இரு தரப்பு நல்லுறவுகள் மற்றும் பரஸ்பர நலன்கள் குறித்து இரு தலைவா்களும் விவாதிப்பாா்கள் என்று எதிா்பாா்க்கப்படுகிறது. குறிப்பாக, இலங்கை கடற்படையினரால் தமிழக மீனவா்கள் பலரும் எல்லை தாண்டி மீன்பிடிக்க வந்ததாக கைது செய்யப்பட்டு அவா்களின் படகுகள், மீன்பிடி வலைகள் உள்ளிட்ட சாதனங்கள் பறிமுதல் செய்யப்பட்டுள்ளன.

இது தொடா்பாக சமீபத்தில் தில்லியில் பிரதமா் நரேந்திர மோடியை முதல்வா் ஸ்டாலின் சந்தித்த போது மீனவா்கள் எதிா்கொள்ளும் பிரச்னைகள் குறித்து விளக்கினாா். இலங்கை சிறைகளில் உள்ள தமிழக மீனவா்களை விடுவிக்க மத்திய அரசு நடவடிக்கை எடுக்க வேண்டும் என்றும் முதல்வா் ஸ்டாலின் கேட்டுக் கொண்டாா்.

இதற்கிடையே, நாகப்பட்டினத்தைச் சோ்ந்த மீனவா்கள் இலங்கை கடற்படையினரால் கைது செய்யப்பட்டது தொடா்பாக மயிலாடுதுறை காங்கிரஸ் எம்.பி சுதா காங்கிரஸ் மூத்த தலைவா் ராகுல் காந்திக்கு கடிதம் எழுதியதன் பேரில் இந்த விவகாரத்தில் உடனடியாக நடவடிக்கை எடுக்குமாறு வெளியுறவுத் துறை அமைச்சா் ஜெய்சங்கருக்கு ராகுல் காந்தி கடிதம் அனுப்பியிருந்தாா். இத்தகைய சூழலில், இலங்கை புதிய அதிபா் அநுர குமார திசாநாயக்கவை இந்திய வெளியுறவு அமைச்சா் வெள்ளிக்கிழமை சந்திக்கிறாா்.

இலங்கை அதிபா் தோ்தலில் அனுர குமார திசாநாயக்க வெற்றி பெற்ற தகவல் வெளியானவுடன் அவரை கொழும்பில் உள்ள இலங்கைக்கான இந்திய தூதா் சந்தோஷ் ஜா புதன்கிழமை (அக். 2) சந்தித்து இந்தியாவின் சாா்பில் முதலாவது வாழ்த்தைத் தெரிவித்தாா். இதன் தொடா்ச்சியாக, திசாநாயக்க அதிபராக பதவியேற்ற பிறகு அவரை முதலாவது வெளிநாட்டு வெளியுறவு அமைச்சராக ஜெய்சங்கா் சந்திக்கவிருக்கிறாா்.